شعاع الأمل يضىء الطريق من جديد ليمحو ظلام اليأس.
أستنشق الحب الدافىء.
أغصان الشجر ترقص على دقات قلوبنا السعيدة فتتلاطم أوراقها فأسمع أجمل الألحان.
نلمح أطفال يلهون بالكرة."نلعب معاكم"قائلا رفيقى
لقد تهللت أساريرى.
"قصدك تهللت أساريرى أنا" قائلا مجاهد الصغير بسعادة
" أه أيوه ,أهلا بيك,إنت هنا؟" قائلا أنا ببعض الضيق و الدهشة
و...... و لم أبالى بسنى فأنا راشد و إنطلقت لألعب مع الأطفال الكرة بفرح .
"قصدك إنطلقت أنا" قائلا مجاهد الصغير و لم تترك علامات السعادة وجهه
"أه ممكن" قائلا أنا و يزداد غيظى و دهشتى
كنت فى قمة سعادتى. ياااااااه و ......
"لااااااااااا ده كان شعورى أنا ...أنا مش إنت...مش إنت أنا...أنا كنت مبسوط أوى" قائلا مجاهد الصغير و هو يرسم على وجهه إبتسامة عريضة.
"و أنا مخنوق ياصغيرى. ممكن حضرتك تتكلم إنت و بلاش أنا ده لو إنت عاوز يعني؟" قائلا أنا بضيق و سخرية
"لا لا لا ما يصحش أبدا إنت الكبير....بس لو مصر إن إنت بلاش تتكلم ....أتكلم أناااا" قائلا مجاهد الصغير بكل إحترام ممزوجه بمكر و فرحة
"يا صغي......." قائلا أنا
"أأأأأأه مجاهد أنا بحبك إنت طيب و جميل شكرا شكرا" قائلا مجاهد الصغير
!!!!!!
"أهلا و سهلا معكم مجاهد الصغير.....إيه الأسم ده مجاهد الصغير لااااا ده إسم مش عجبنى خالص لازم أغير إسمى بأسم مودرن أنا عندى شخصيتى المستقله مش يختارلى مجاهد إسمى! أغير لجنون عاقل أو أميدوس أو........الأختيار صعب........ بعدين.أأأأه أهلا و سهلا تانى.أنا كنت فرحان جدا و أنا بالعب كره مع أطفال فى سنى بضحك معاهم بنجرى فى جنينه واسعه...أنا بحب الكره أوى" قائلا مجاهد الصغير"أنا حريف جدا فى الكره ياسلام عليه ما شفتونيش إنتم دانا كمان....." قائلا مجاهد الصغير بفخر
"كمان فشار!!"قائلا أنا مقاطع حديثه بهدوء
"أوعوا تصدقوه ده هو فشار مش أنا... مش أنا يا ناس ده هو... هو مش أنا" قائلا مجاهد الصغير بأنفعال
"فاكر لما كنت بتطلب من زميلك إنك تلعب معاهم كره كانوا........"قائلا أنا بحنان
"كانوا بيوافقوا فورا.إيه أنا أطلب لاااااااا هما اللي كانوا بيطلبوا منى ألعب معاهم كره و بيتحايلوا عليه كمان" قائلا مجاهد الصغير مقاطعا حديثى وبأكثر إنفعالا
"و الله!!!!" قائلا أنا ضاحكا
"قصدك كانوا بيرفضوا فورا.و إنت كنت تتحايل عليهم عشان يوافقوا إنك تلعب معاهم كره و لما تصعب على حد فيهم ممكن يقرر إنك تلعب معاهم محاولا إقناع بقية الزملاء وياسلام لما يبتدوا زمايلك يقسموا نفسهم لفريقين بعد ما خلاص أخيرا وافقوا على إنك تلعب معاهم كنت بتشوف شجارهم عليك عشان........." قائلا أنا بقليل من الحزن
"عشان كل فريق عاوزنى معاه. لااااااا ده بالعكس" قائلا مجاهد الصغير بأسى
"أأأأأأه يا مجاهد كسوف من نفسى و مافيش ثقه بيها و إحساس بالعجز.كنت ملفوظ من المشاركه فى أى ألعاب جماعيه كنت أقابل بالرفض دايما لما أطلب من أصحابى إنى ألعب معاهم أى لعبه جماعيه هما ناويين يلعبوها لأنى ما كنتش بعرف ألعب زيهم كانت ألعابهم حلوه بس صعبه عليه أوى كان عندى إستعداد أتعلمها بس هما ما كانش عندهم إستعداد يصبروا و لا إنى أكون السبب فى خسارتهم.كنت عاوز أحس إنى زيهم مش مختلف عنهم و منبوذ و أكون لوحدى فى وقت لعبهم. لكن تعرف ليه يا مجاهد؟" قائلا مجاهد الصغير و هو مدمع العينين
أضمه إلى صدرى بذراعى بحنان
"ليه؟" قائلا أنا
"جدو أيوه جدو كان حبسنى فى البيت كنت بتذلل و أتحايل عليه عشان يرضى إنى أخرج أروح لأصحابى ألعب معاهم كنت ببقى زهقان أوى و أنا قاعد فى البيت مش لاقى حد من سنى يلعب معايه كله كان أكبر منى بكتير فى السن" قائلا مجاهد الصغير و دموعه تزداد فى عينيه
"هو حد بيتصاحب دالوقتى ده مافيش حد كويس فى الوقت ده" قائلا جدى
"كان عاوزنى أعيش لوحدى من غير أصحاب" قائلا مجاهد الصغير صارخا
"جدك بيحبك و بيخاف عليك" قائلا أنا محاولا تهدئته
"حبه بيضرنى مش عاوزه أنا مش بح.......... أأأأأأأأأأأأه أما أصحابى كانوا بيخرجوا من بيوتهم عشان يتقابلوا و يلعبوا مع بعض دايما" قائلا مجاهد الصغير بخجل منهمره دموعه
"أصحابك إتميزوا عنك بسهولة المشاركه و التواصل مع الأخرين خصوصا فى الألعاب الجماعيه..الكره.. لأنهم مع الوقت إكتسبوا المهاره من خلال السماح ليهم بالخروج و مقابلة الأصدقاء للهو و اللعب" قائلا أنا متأثرا بحال طفلى
"أيوه أيوه أيوه" قائلا مجاهد الصغير و مازال يبكى
"ياااااااااااه أستاذ الألعاب الرياضيه كان بيفرضنى على أحد الفريقين من زمايل الفصل لأن و لا زميل كان عاوزنى أشاركهم اللعب فى الكره الطايره خوف من الخساره فبالعب معاهم و أنا خايف فما كنتش بعرف ألعب خالص من الخوف.كنت مهزوز فينتهى اليوم الرياضى بكلام وحش و تريقه من أصحابى" قائلا مجاهد الصغير متعلقا بى أكثر فأضمه إلى صدرى بأكثر قوة و حنانا لأهدىء من روعه و أحزانه
و بعد قليل..........
"ياصغيرى.... مجاهد....صغيرى" قائلا أنا
لم يجيبنى لقد خلد إلى النوم ........أسمع تمتمته بصوت خافت و هو نائم
"الكره الكره الكره" مجاهد الصغير قائلا
فأقبله لأقول له
"أحلام سعيده"
47 التعليقات:
حلو قوي ان مجاهد الصغنون طلع وظهر .. ازيك يا صغنون انت :-)
هااي مجاهد
انا حاسة بيك اوي في الموضوع ده ...
انك تكون دايما عايز تبقى واحد من مجموع ، مش واحد مستقل بذاته .
اه صحيح حلو و كويس ، بس لوحدي ..هي دي المشكلة. ماعملتش انا حاجة ساعتها بكوني كويس و لا لا في راي اقاربي او اهلي ، المهم انا في راي اصحابي ايه او الشلة المفقودة اللي مش عارف الاقيها ايه .
لعلمك انا كمان كنت زيك في الموضوع ده ، انا ما بقاليش اصحاب الا و انا في ثانوي بس ، قبل كده برضو ماكانش عندي اصحاب ، و برضو اهلي كانوا بيرفضوا اني اكون صداقات من المدرسة خالص ، عشان كده الاجازة على اد ما كنت بحبها و بستناها طول فترة الدراسة ، بس كانت دايما وقت صعب عليا .
فاهماك و حاسة بيك ...
و بشجع مجاهد الصغير انه يلعب و يتبسط زي ما هو عايز ...ايه رايك تدي الفرصة لمجاهد الصغير يزوق هو مثلا المدونة باللي هو عايزه ، او ينزل من وقت للتاني حاجات هو اللي حاسس بيها " و مااسمعش صوتك فيها خالص ..انت فاهم ..الواد وراه رجالة برضو :)" ، او تسيبه يلعب براحته العاب عالكمبيوتر ، خليه يعبر عن نفسه ، عشان شكلك خنقته كتير اليومين اللي فاتوا .
و مبروك ان انتوا اتصاحبتوا على بض اكتر في الموضوع ده ، صدقني انت اهم صديق ليه .
" بس خلي بالك لحسن تتجنن :) :P"
هاي اثمن ..ازيك
عايزه اعلق بس مش لاقيه كلام يعبر عن اللى حسيته من البوست
حزن غريب
بكره احساس الاطفال بالوحدة
وشعورهم بانهم منبوذين
شعور قاسى
اول ما قريت كابتن ماجد كنت فرحانه
بس قلبت نكد
تعليق عبيط بس متناسب مع حالتى النفسية جداا
غير قادره على الكلام
تحياتى
اعرفك بشادى طفلى الصغير :)
اتفقنا على كده انا بقى الناس كانت عايزانى العب بس كنت خايف معرفش
فملعبتش خالص الا مره
قالولى العب معاهم حكم
اجارك الله الفريقين طلعوا بيشتموا فيا و مكنتش عارف ليه :)
بس اتضح انى لازم اقرب من الكوره علشان اعرف اراقب مش ابص من بعيد :)
على العموم احب شادى يتعرف على مجاهد الصغير و يمكن فى يوم من الايام يلعبوا مع بعض لما يحترفوا :)
بلغ مجاهد الصغير تحياتى و قوله العب و اعمل كل حاجه نفسك كنت تعملها و انت صغير صدقنى ده حيريحك اوى
تحياتى لكم جميعا
و معلش على التعليق المجنون ده :P
سلام
يااه .. طبعا حسيت بكلامك ..
جدك عمل حاجة كبيرة اوي مش صح ... اوعدك مش هعملها مع اي طفل بتعامل معاه... و اكيد موقفك هيفكرني ...
كويس ان احنا ابتدينا نعرف اصل المشاكل ... مش بس نتخيل ان احنا وحشين خلقة ... و كويس ان احنا نحاول نهدي نفسنا و نحّن عليها حتي و لو محدش عمل كده زمان ...
اتمني لك كل الشفا .. بوست حلو فعلا ...
واااو الموسيقي حلوة
ازاي دخلتها .. و ازاي عملت عداد الزوار ؟
إزيك ياعمو أثمن
وحشنى وعاوز أشوفك قريب
تعليقك نور المدونه
وماتنساش تجيبلى شيكولاته معاك
:)
إزيك ياستيل
تعليقاتك دية أنا هجمعها وأعملها بوسطات فى مدونه لوحدها :)
بحب أقراها كذا مرة خاصة لما تكون ترجمه لبوسطاتى
-----------------
مجاهد الصغير
"أيوه ياتانط ستيل قوليه بتحايل عليه انى يسيبلى المدونه أزوقها أنا وهو مش راضى بس والله ياتانط أنا ذوقى حلو أوى وأحسن من ذوق مجاهد كمان...
ومبيخلنيش كتير اكتب فى المدونه
بس انا هكتب بقى وبالعافيه كمان"
خلاص مادام انت اللى ورايه بس اوعى وقت الجد تجرى و تسيبينى"
-----------------
شفتى تعليقك عمل إيه كده قويتى الواد عليه
--------
مرحب بيكى ديما فى مدونتى
فريند
وصلتى لأحاسيس طفلى كعادتك دائما
بس طفلى سعيد جدا إنك فهمتيه وحسيتى بألامه فى الوقت اللى ناس كتير كانوا المفروض يبقوا قريبيين منه ويحسوا بإحتيجاتوه بس كتير ماكانش حاسيين بيه للأسف قليل اللى فهموه
-------------------------
بحترم مشاعرك وإحساسك بطفلى
support
مرحب بيك فى مدونتى وسعيد بأول تعليق ليك فى مدونتى
------------
حكم دى أصعب بكتير متخيل الموقف
------------
مجاهد الصغير
"وانا كمان ياشادى أحب إنى أتعرف عليك
وألعب معاك كمان أكيد فى يوم وقريب جدا هشوفك ياشادى"
------------
إن شاء الله
متجدده
بحس إن إنت فراشه جميله وقفت على مدونتى
-------------------
سعيد جدا بوعدك ده وحسستينى بكلامك إن بوسطاتى مابتروحش فى الهوا لا ده فى إخوه أعزاء بيستفيدوا من خبرات حياتنا وده يشجعنى أكتر إنى أعبر عن اللى جوايه
-------------------
أمين ياالله إشفى كل مريض
-------------------
أسئلتك هجاوبلك عليها إن شاء الله على النهارده أو بكره .حاضر :)
يااه البوست آثر فيا اوى ،خلتنى ابكى، تعاطفت جداً مع طفلك و احساسه و لمستنى اوى لما اتعملت معاه بكل رفق.
مشفية
عزيزتى
--------
إحساسك الكبير بطفلى خفف الألم عنه
الحب فى الله اللى بلاقيه فى كلامك طفلى بيكون مسرور جدا بيه
--------
ربنا يديم نعمة المحبه علينا
ما تخافش يا مجاهد الصغير
طنط ستيل وراك و معاك ، و بتؤيدك و متأكدة من انك ولد رائع .
بس بليز ما تزعلش " مجاهد " الكبير ، و انا اضمنلك انه يخلي باله منك .
مجاهد ( لعلمك انا بزعق دلوقتي ) ، خلي مجاهد الصغير يلعب براحته ، ما تخنقوش ، و انا متاكدة ان ذوقه احسن من ذوقك :P
ما تزعلوش ...الواد وراه رجالة و صعايدة كمان :)هيكسرولك المدونة على دماغك .
................
الجميلة ..مشفية
فينك يا بنتي..
انا اسفة اني مش بعلق عندك في المدونة ، بس بجد حاسة انك تعبانة و موجوعة و انا مش ببقى عارفة بصراحة اقول ايه ، عشان كده بفضل الصمت احتراما للالم .
بس بليز حاولي تفوقي نفسك ، و ترجعي مشفية ..الفراشة اللي بتتحرر من قيود الالم .
عايزة اشوفك تاني في المجموعة لو سمحتي ، بجد المجموعة مضلمة من غيرك .
و لو لسه الوجع موجود ، ليه مش تشاركي اخواتك اللي بيحبوكي فيه ؟؟
بجد هم قلقانين عليكي ، و انا فعلا ما صدقت اشوف تعليقك هنا عند مجاهد و رحت رديت على طوووووووووول .
عزيزتي اخواتك و عيلتك مش في مصر و بس ، انما دايما حواليكي ،و وجودهم الاساسي في قلبك و عقلك ، دوري انتي بس جواكي و هتلاقيهم على طول;) .
انا كنت ناوية احلق له ( سوري يا مجاهد :P)..بس صدقيني بجد ، اول ما شفت تعليقك كتبت على طول .
طمنيني عليكي بلييز لاني فعلا بعزك جدا .
سلام للاعزاء...
محمود ..مستنية انك تنزل بوستات في مدونتك عشان احاصرهالك بالتعليقات ...اسالهم .
الغالية فريند ..ترجعي بالسلامة ان شاء الله ، و ادعي للناس كلهم ربنا يديهم السلام في قلبهم .
الغالية متجددة..عندك حق، الصح ان احنا نبدا نبحث عن الاسباب التي ادت بنا الى هذا الالم الذي نشعر به ، مش نصدق ان احنا وحشين و بس .
ربنا معاكوا كلكم .
تعليق لمجاهد الصغير ..
شايف لما بقيت تسمع كلام مجاهد الكبير و تتصاحبوا بقيت امور ازاي ، و شكلك اتغير عن زمان ( قبول الذات ) .
تعليق لمجاهد الكبير...
:P
كل يوم من ده .
السلام عليكم
صار لي فترة عايز أعلق...
أكتب رد..و يجي حد يجلس جبني..و اعمل شت داون للصفحة...
ههههههههههههههه
ف عشان كذا تأخرت...سوري..
====
جميل أن يكون الاتصال موجود..و الاجمل أن تصلوا لنقطة تتفقون عليها...
تيجوا تلعبوا معايا ؟!!
تحياتي
Maybe Soon
شكرا يا مجاهد علي اجابة السؤال ..
سلامي للجميع
عزيزتى إستيل
"بصراحه عجبانى جدا هكسر المدونه على دماغك"
:)
هو طلع وراه رجاله و صعايده بس ده طلع وراه بلطجيه وسفاحين كمان...
:)
-------------
لالالالا طلباتك تحت التنفيذ خلاص
-------------------------------
ماى بى سون
أخى
كيف حالك أتمنى أن تكون بخير؟
طبعا نلعب معاك
سعيد بتعليقك
-------------------------------
متجدده
لا شكر على واجب
:)
من رضي فله الرضا و من سخط فله السخط
ربنا يرضي عليك ويرضيك
طمنا علي احوالك .. مستبشرة خير كده :)
ان شاء الله تكونوا جميعا بخير
متنسناش في دعوة يوم الجمعة:)
اه جاية استغلك :)
اعترض باه
السلام عليكم
إستغلى ياستى براحتك :)
بندعيلك دايما بصلاح الحال
إنت الحمد لله؟
:)
كده نستينا التحيه
السلام عليك
أنا الحمد لله وأحوالى كويسه
تحياتى
عزيزتى متجدده
أنا مش بعرف أعلق عندك
خالص من إمبارح فى مدونتك !!!!
وعليكم السلام ورحمة الله وبركاته :)
الحمد لله انك كويس .. اثبت علي كده باه :)
ربنا معاك
كابتن مجاهد..كابتن مجاهد..عاد اليكم من جديد
السلام عليكم ورحمة الله وبركاته
ازيك يا دفعة P:
ابقي طمنا
دفعه
ماشى..........
والله إدعيلى يا ألم
وإدعيلى إنى مابقاش دفعه...
واللى يختاره الله خير
والحمد لله على كل حال
عموما هعرف إرجتى يوم 23/2
هههههههه
محموددمك خفيف
:)
مالك باه
هتقلقوني ليه
فيك ايه؟؟؟؟؟
ايه اللي حصل ..
كل الحكايه ياألم متوتر وقلقان
الفترة دية عشان مستنى الأرجا فماليش قدره على اى مشاركه
--------------------
والحمد لله
ختمت النهارده بسرقة موبيلى وطبعا ارقام التليفونات ضاعت
وده اهم بكتير من العده ذات نفسها
لا حول ولا قوة الا بالله
بس تقدر تجيبها من الشركة بتاعت الاتصالات سواء موبينيل او فودافون مش عارفة اتصالات فيها دي ولا لا
متزعلش ربنا يعوض عليك ويكتبلك كل الخير ويرضيك بيه
صورة جميلة للمحبة والرفقة.
كابتن مجاهد
واحشنى يابطل
لطيف قوى البوست ده على طول مجاهد النونو مغلبك بس هو طفل لطيف جدا سلملى عليه وقولى انى بحبه وبستنى حواراته معاك
المهم الماتش خلص كام كام؟
ربنا معاك يا مجاهد واسفى لسرقة موبايلك ولا يهمك
فداك
سلام
هااااي
مش انت يا مجاهد ...محدش وجه لك كلام :P
هاي نور لجميع الامم
ازيك يا بنتي ، انتي فين ؟؟
عاملة ايه ،و عملتي ايه في امتحاناتك ؟
و غطسانة فين ان شاء الله ؟؟؟
مش باينة ليه في " المجموعة " . انتي سيبتيها خلاص و لا ايه ؟
عايزة اشوفك هناك عشان وحشتينا اووووي.
سلاااام
نور لجميع الامم
نورتى المدونه وليكى وحشه وأد إيه أنا مبسوط لتعليقك....
زيارتك لمدونتى شىء يسعدنى
:)
-------------------------
إستيل
مش عارف أرد عليكى بأيه غير ب
:)
إبتسامتى
اهلا ستيل
وانتو كمان واحشني جدا بجد
بس انا كنت مسافرة سفريه طويلة كده يدوب بفوق منها
امتحاناتى كويسة
مرسي كتير جدا لسؤالك
الواحد قد كده كان مفتقدكم
مقدرش طبعا انى اسيب المجموعة
انت يارب تكونى كويسة
مجاهد شكرا كتير لسؤالك
وامدونة منورة بصحابها
سلامى للكل
مبروك علي التأجيل .. لسه عارفة
ربنا معاك
الله يبارك فيكى
وشكرا كتير لدعائك
ولأهتمامك
ربنا يصلح حالنا جميعا
كل عام وانت بخير
فين البوست الجديد والتورته؟؟
تحياتى
لو هتجيبها من لو كارنفال ممكن اعدي اخد حتة :)
كل سنة وانت طيب و في طاعة الله اقرب
لو مفيش تورتة .. ابعتلي بالونة لونها اخضر من فضلك :)
طب بلاش تورتة خلاص
وبلاش بالونة
مالك باه غايب ليه؟
ألومه بعتذر عن عدم الرد
كيف حالك لسه مصلح النت النهارده
وانت طيبه يا الومه
شكرا لمعايدتك الجميله
هديتك جاهزة يا مجاهد يا ضغنن :-)
حمد الله علي السلامة يا سيدي :)
هو كل اللي بياخد اعفاء بيختفي كده ولا دا كان علشان متجيبليش حتة من التورتة يعني ولا البلونة
يا ساتر علي البخل .. ابعتلك انا طيب :)
ألومه
كيف حالك
فينك وحشانا
أتمنى غيابك يكون صداه خير
صداه خير ؟؟؟؟؟
لا..مثقف حضرتك اوي :P :P
هتضرب..هههههه..انا عارفة ، بس اصل بقى لي مدة مش بناقر فيك اعمل ايه :)
بس فعلا يا الومة ، انتي فين يا حبيبتي ، وحشاني جدا .
بجد بليز طمنيني عليكي، عشان انا عارفة ان غيابك بيكون للشديد القوي ، ربنا يسهل الصعب و يقويكي يا الم .
سلاااام
سلام يا حضرة المثقف :P
انا عارفة اني مقصرة بقالي شوية بس اديك شفت الظروف الحمد لله علي كل حال
اشكرك علي سؤالك ربنا يديم المعروف
---
سلملي علي سيتيل كتير لما تشوفها
كان بيبقي نفسي كتير اتكلم معاها بس مكنتش قادرة سامحيني
ياااااه
تعليقك نور ياستيل بصراحه
وحشانى خفة دمك
هههههههههههههه
مش عارف أرد اقول ايه
مره هكسر المدونه على دماغك
ودالوقتى...
هو أنا عشاااان غلبااان ومسكيين وطيب
يتعمل فيه كده
شاهدييييييييين يانااااااااااس..
بس ياجماعه ماحدش يزعل منها
انا مسامحها خلاص
إرسال تعليق