نعم...أسير....
لكنه ليس أسر إنسان لإنسان....
إنه أسر الماضي لإنسان....
أنا أسيره....
أسيره بين جدران الحاضر التى لا تخلو من رسوماتي التي لا تعبر إلا عن حسرة على ماضي جميل زمنه قصير كنت أحياه.
"أنا بحبك" قائلا مجاهد الصغير
"و أنا كمان بحبك أوي.... إنت مخك كبير....ذكي.... إنت رجل....إن شاء الله تبقى حاجه كبيره" قائلا بابا
و كراهية لماضي بغيض زمنه طويل
"إنت مش ناصح و خايب و ضعيف....إنت مش زيي....ياريتك كنت بنت....إنت البنوته بتاعتنا" قائلا عمى
كفى...
لا تذكرني بالمزيد....
لا أريد أن أحيا الماضي فى حاضري بجماله و قبحه....
ألا يكفى أن يكون الماضي عبرة فلا أريد منه المزيد.
طريق وعر من الإصلاح...إصلاح ذات....
و نقلها من الضعف إلى القوة.
من التذبذب إلى الثبات.
من الشك إلى الثقة.
من صغران نفس إلى كبران نفس.
من القلق إلى الطمأنينة.
من الخوف إلى الأقدام.
إنه النضوج....
زاد اليأس و الملل حتى أعيا جسدى.
عقل يتجمد و قلب يرتجف.
أمل مفقود و طموح ضائع.
هل أحيا لأ نتظر الموت شاهدا أنا على وأد حياتي؟!
بئس الهدف.
عقارب الساعة تدور...نعم تدور دون أن تبالي بصراخي لها مستغيثا.
"إنتظريني"
"يالك من صماء"
يحتضننى الماضي بقيوده فيثقل جسدى عن الحركة فأعجز عن لحاقك.
"إنتظريني"
و هل ينتظر الزمن أحدا؟!!!
قالوا أهل زمان "الوقت كالسيف إن لم تقطعه قطعك"
و أه لو قطعني....
أبحث عن ذاتى الضائعة بين طيات الماضي.الماضي البعيد....
طفل مبدع يثق لا يخشى.
طفل بداخله رجل.
لقد كانت ذاتى....
نعم هى ذاتى....
ألم تطل غيبتك؟....
ألم يحن عودتك؟....
رحلتي عنى هاربة بلا عودة من ظلم تخشينه لأترك بذات ضعيفة مزيفة أئنس لها يوما بعد يوم لتصبح هى ذاتي و أشعر بغربة منك يا ذاتى الضائعة.
أصبحت رجل بداخله طفل باكي صارخ.أتعبنى جوعه للحب و الأمان....
أتعبني بكائه على الأطلال....
قالو أهل زمان"لا بكاء على اللبن المسكوب"
"هل ستظل يا صغيرى تبكي على حضن ضائع ليحتضنك الموت أخيرا؟"
"قد يشبعك حضنه!!!"
20 التعليقات:
عايز اقولك من خلال رحلتي الطويله شويه في التعافي انك ماشي كويس جدا وانا لامس ده فيك وعايز اقولك ان التعافي عامل زي الشخص اللي بيخرجوا منه السم عشان يعيش .لا تيأس فأن الله معنا .تحياتي
منور يامحمود
سعيد جدا إنك لامس ده فيه
عندك حق
"التعافي عامل زي الشخص اللي بيخرجوا منه السم عشان يعيش "
أنا كنت تعبان جدا وأنا بكتب البوسط ده لكن بعد ماخرجت أحاسيسى السلبية ده فرق معايا جدا
ومعنوياتى رجعت ترتفع من تانى
:)
هي وجع X وجع اوي صحيح
بس داخل كل واحد فينا نفس الاحساس وان اختلفت اسبابه
يشفعلك انك علي الطريق وان كان الطريق وعر بس مضلتش الطريق .. لسه واقف علي رجلك ولسه ماشي
يشفعلك انك عارف امبارح كان الاحساس ايه وميزته عن احساس النهاردة و بتدور علي احساس بكره علشان توصله
وان شاء الله هيجيلك خير طالما في قلبك خير
ربنا يوفقك لما يحب ويرضي ويرضيك ان شاء الله
أمين يا أليس
تعرفى مابقتش مشكلتى
إن عاوز أصل لأنجذاب غيرى
زى فى بداية التعافى.
لكن لما دخلت وفهمت إن لازم أواجه وأصلح حاجات فى شخصيتى وشكل تفكيرى للأمور"وإن ده التعافى الحقيقى"
فتخيلى إن عايش طول حياتى بشكل سلبى
ففوقت وانا بغير فى الحياة وأسير بشكل إيجابى كمثال إن لازم
أعمل علاقة مع نفسى كأحدى خطوات التعافى
فبلاقى الصعوبة والفشل
الصعوبه مع شدة الاحتياج وأغلال الماضى اللى متكبل بيها
فأصبت بإحباط شديد
لكن حقيقى لما خرجت اللى جوايه بقيت أحسن وربنا كريم وهحاول تانى وتالت ....وعاشر وربنا معايه وانا بعدى وأنا بخفق
:)
----------------
زدت وجعك معلشى بس انت بقى اللى شجعتينى أفتح المدونه وأكتب
شكرا لتشجيعك
يا ريتني في شجاعتك دي
ربنا معاك اكيد ان شاء الله طالما طالب رضاه فلن يضيعك ابدا
جايز مشكلتك في الاول رغبتك في الانجذاب الغيري بس يمكن وقتها مفكرتش كان ايه اللي وصلك لانجذاب المثلي من اصله... و في الرحلة دي ما بين دا ودا .. وقفت قدام المراية
شفت اللي وصلك حاجات كتيرة اتبنت فوق بعضها في سنين عمرك
صدقني يا اخي ان دي في حد ذاتها نعمة
لما تقف علي اصل المشكلة ايه نعمة
لما تعرف السبب فيها مين نعمة
لما تبقي قادر تقول قدام نفسك مين وايه اللي عملوا فيك كده نعمة
لما تبقي قادر تفكر في بكرة نعمة
لما تبقي عايز بكرة دا ومستنية يجي نعمة
نعم كتيرة في اللي ربنا وهبها له وفي اللي محروم منها
وبين هذا وذاك .. بنعيش الدنيا .. شئنا ام ابينا فهي ارادة الخالق سبحانه وتعالي
والحمد لله علي نعمه الكتيرة اوي وان اختلفت من واحد للتاني
تشبيه محمود اللي قال فيه انه زي اللي عايزين يخرجوا السم من جسم انسان علشان يعيش اد كده قريب اوي للحال .. سم بيجري مجري الدم زي الشيطان .. اللهم اني اعوذ بك من شر نفسي ومن شر الشيطان وشركه وان اقترف علي نفسي سوء او اجره الي مسلم
الله يحفظك
وفي انتظار باقي الكتير اللي لسه جواك :)
مجاهد انا مش عارفه اقولك ايه غير ربنا معاك ويكمل تعافيك يارب للاخر وتكون فتقدم دايم
انا مقدرخ وجعك اوى بس ده وضع طبيعى فى الطريق اللى احنا ماشين فيه اننا نتوجع عشان نرتاح
ربنا يوفقك
عندك حق
وألم عن ألم يفرق
ألم التعافى نعمة خاصة لما بتوجع فى ناس بتسمعنى ..
لكن ألم حياة المثلية الله يكفينا الشر
أليس
لا قولى الحمد لله إن إنت مش فى شجاعتى
:)
أنا أوقات كتير بخاف خوف يعجز
لكن برده مش هكون قاسى على نفسى ليه مواقف تحسب عليه بالشجاعه...لكن هى أقل من المواقف اللى ماقدرتش أواجها بشجاعه
لكن أنا بعمل على إنى أنمى عندى الشجاعه أكتر وأكتر علشان تبقى ديما أكبر من خوفى
وربنا المعين
الله المستعان علي ما تصفون
بس مازلت مصرة انها شجاعة احييك عليها واغبطك لوجودها عندك .. ربنا يحفظك ويعصمك من كل سوء
والحمد لله رب العالمين علي كل نعمه
الحمد دا اقل حاجة نعملها قدام نعم الله علينا
كمل ومتقفش :)
نعم الله لاتحصى ولاتعد
الحمد لله
مش فاهمة ازاى البوست ده مش ظاهر عندى على المدونة!!! اكتشفت البوست بمحض الصدفة ..
المهم كويس انى اكتشفته لأنى مش باحب افوتلك اى بوست.
مبسوطة اوى بالبوست ده اللى بيقول انك فى طريق النمو و اللى فيه وعى و ادراك يتزايد مع الايام.
برافو يا مجاهد .
هو لأن الواحد محيلتوش غير اللبن ده..بيقعد يبكي عليه..و يمكن ينسى..انه ممكن يجتهد..و يجيب لبن غيره!!
الله معاك و معانا..
و كوننا نعرف ان الماضي كان متعب..أو ان الطريق وعر و متعب..دا معناه اننا عمالين نمشي فيه..
جميل اللي كتبته..لأنه بيريحك:)
مشتاااااق للكلام معاك..و كمان لمدونات الاخوه و الاخوات الباقيين..لكن ظروف الانشغال هنا تمنعني من بعض الاشياء..
الله يتمم لك كل خير..و تفرح بتعافيك و تشافيك و باستقرارك و تحقيقك لذاتك..و اتمنى نفس الحاجة لجميع اخواني و اخواتي هنا ف المجموعه
و كمان برا المجموعه :)
اعتني بنفسك..و قول يا الله
تحياتي للكل
مشفية
ردك كان مفاجأه بالنسبالى
:)
"مبسوطة اوى بالبوست ده اللى بيقول انك فى طريق النمو و اللى فيه وعى و ادراك يتزايد مع الايام.
برافو يا مجاهد ."
الحقيقة كنت خايف أنزل البوسط ده على مدونتى.
لان كنت شايف إن هو أسوء بوسطاتى بما فيه من مشاعر الأحباط واليأس
بس هو ماكانش إحباط من التغيير التغيير مؤمن بيه وجاى جاى
لكن كان إحباط من فشل من محاولة وصول لشىء ما لكن قمت تانى وهحاول تانى..
والسبب التانى اللى كنت خايف منه إن اللى هيقرا البوسط ممكن يستغرب من وجود المشاعر دية بالرغم من المسيره اللى مش قصيره فى نظر الناس لكن أنا شايفها قصيره بالنسبه لطريق التعافى الطويل لأنه طريق للنضوج والتخلص من المشاعر السلبيه اللى اتبنت فى الماضى اللى كان زمنه طويل جدا...
"مش باحب افوتلك اى بوست."
دى تشجعنى إن أكتب أكتر
:)
دمتى بخير يارب
أخى جنون عاقل
حاضر هاقول
يا الله
و أنا مشتاق جدا للكلام معاك
وربنا يعينك على مشاغلك
بس بجد كتاباتك الرائعة فى مدونتك بتخلينى أحس إنك موجود ربنا يديمها عليك نعمه.
:)
أمين لدعائك
"هو لأن الواحد محيلتوش غير اللبن ده..بيقعد يبكي عليه..و يمكن ينسى..انه ممكن يجتهد..و يجيب لبن غيره!!"
يمكن اللبن اللى ببكى عليه مش شايف ان ممكن فى لبن يعوضه....لكن فى لبن غيره هخلينى أعيش برده بس اللبن الاولانى ليه طعم تانى أحلى...
كمان فى انواع من الالبان لازم نجيبها ونشربها لان الحياه مش لبن واحد
فى لبن لاكتيل ولبن بخيره ولبن جهينه وكله لازم يتشرب
غير ان فى لبن جاموسى و بقرى
يبقى مش لازم أوقف حياتى على لبن واحد
------------------------
المشكله إن عارف الكلام الصح بس ساعة العمل...
بيبقى جوايه رفض وعند كبير
مجااااهد الصغير عنييييد جدا
------------------------
تحياتى
:)
جنون عاقل
قصدى فى لبن غيره بيخلينى مش هيخلينى
اتأخرت أوى كده !
بس يمكن معاد قرأتى للبوست
جه فى وقت الرجوع
حاسه بكل كلمه قولتها
بس مش عارفه ارد حاليا
مشتته شويه
بس مش هقول ولا حاضرنى
غير انك فعلا مجاهد وفيك قوة
كبيرة تقدر تعدى بيها الازمات
وتخلينى اعدى انا كمان
لما بقرألك او بتسيت كومنت عندى
ربنا معاك :)
المتحدية
ربنا يكرمك....
شكرا لكلامك وسعيد إن تعليقاتى بتسيب عندك أثر طيب
:)
أنا لو فيه شوية قوه فهى بالله وبيكم(كل الناس اللى بتقف جمبى وتساعدنى)
سواء انتم أصحاب المدونات أو الدكتور المعالج والمجموعه....
الحمد لله
:)
مجاهد مبسوط اقرا كلامك و مشاعرك الله يكمل معاك انت شخص رائع
وأنا مبسوط لوجودك
:)
يا جوتولايت
إرسال تعليق