أسير بنظرات تملأها الحيرة و السؤال.لماذا أنا مختلف عن الأصدقاء و الزملاء؟
هل أنا حقا شاذ جنسيا؟
لااااااااااااا
كنت دائما أنكر هذه الحقيقة "الحقيقة المرة" بالرغم من إنجذابى العاطفى و الجنسى الشديد للذكور و أحلامى الجنسية المثلية المتصالح أنا معاهما فى ذلك الوقت.
و لكن ما كان يضايقنى إلى حد الجنون شعورى بالأختلاف أثناء حديثى مع الأصدقاء فى الأحاسيس و المشاعر الجنسية فأنا كنت أتظاهر بما يشعرون به من ميول جنسية غيرية و ما أبطنه النقيض تماما.
"أنا أعانى من الشذوذ الجنسى و أحتاج مساعدة....مساعدة!!! كيف؟"
النظرة الأحادية الجانب من رجال الدين تملأ عقلى التى لم أسمع غيرها منذ لحظة ميلاد مشاعرى الجنسية المثلية.
" لااااااااااااا أنا مثل الأصدقاء و الزملاء أنجذب إلى الفتيات عاطفيا و جنسيا"
كنت أحمل دائما المشاعر المتناقضة بداخلى و كأنها حمم بركان تأكل بعضها البعض.
لقد وصلت.
عيناى تجوب المكان بهدوء معلنة مقتها و كراهيتها الشديدة له.
مبنى عتيق على مساحة شاسعة من الأرض يحيطه فناء واسع من جوانبه الثلاث.
"مدرستى جميلة و نظيفة"
إبتسامة ساخرة ترسم على وجهى فى كل مرة تقع عيناى على هذه الجملة المكتوبة فى إحدى حوائط مدرستى الثانوية.
لم أكن أعلم أن هذا اليوم سيكون مختلفا فلن يمحى من ذاكرتى أبدا و سأكتب عنه يوما ما.
فى وسط اليوم الدراسى أمرنا أن نذهب نحن الطلبة إلى مسرح المدرسة حيث ستنعقد ندوة يلقيها علينا زوار.
إمتلأ المسرح بنا...نجلس فى فضول شديد-فليس من عادة المسئولين بالمدرسة أن ينظموا ندوات بها- منتظرين أن تعقد الندوة.
بدأ الأخصائى الأجتماعى بالترحيب بالزوار (المحاضرين) ثم قدمهم لنا
"الأستاذ............. الدكتورة............الأستاذ.............و حاصل على ماجستير فى.........."
واحد من الزوار (المحاضرين) هو الذى أقام الندوة كلها فتحدث إلينا بعد ما ألقى علينا التحية كانت هيئته توحى بذكائه و كلماته توحى بعلمه الواسع فجلسنا و كأن على رؤوسنا الطير ننصت إليه.
إنتهى المحاضر من الموضوع الأساسى للندوة فطلب الأخصائى الأجتماعى إن كان لدينا أى أسئلة نكتبها فى ورقة و هو سيمر ليأخذها مننا.لقد شعرت بالخوف من كتابة سؤالى عن معاناتى من الميول الجنسية المثلية لعل أحد قد يرى ما أكتب فينكشف أمرى فأكتفيت بمشاهدة زملائى و هم يكتبون أسألتهم.جمع الأخصائى الأجتماعى أوراق الزملاء التى تحوى أسألتهم و بدأ يقرأ و يسرد على المحاضرين و علينا الورق ورقة تلو الأخرى.
المفاجأة!!!
أسمع بضعة أسئلة متعلقة بالجنسية المثلية و مدى المعاناة منها بين مئات الأسئلة المتعلقة بالجنسية الغيرية.
أحدث نفسى.
"مجموعة أسئلة عن الشذوذ الجنسى هذا يعنى أنى لا أعانى وحدى من هذه الميول الجنسية الشاذة"
لقد سررت حيث سأجد إجابة على تسأولاتى أخيرا فما علي هو الأنتظار قليلا .
تزداد ضربات قلبى و تتسابق أنفاسى دخولا و خروجا من صدرى.
كأنى أنتظر أبا عزيزا طالت غيبته.
تحدث المحاضر عن الميول الجنسية الغيرية و كيفية نشوءها و المراحل التى تمر بها ليشبع أسئلة الزملاء ذات الميول الجنسية الغيرية و يزداد يقينى بمعاناتى أكثر و أكثر.
إنتهى المحاضر من الحديث عن الميول الجنسية الغيرية ليشير بإنتهاء الندوة.
يقوم الأخصائى الأجتماعى بختام الندوة بتقديم الشكر للزوار (المحاضرين)
"نشكر الأستاذ............. الدكتورة............الأستاذ.............وحاصل على ماجستير فى.........."
كل جزء فى أعماقى يصرخ باكيا مستنجدا
"لا تقتلوا الأمل- الذى كان وليد لحظة- بداخلى"
لااااااااااا
إنفضت الندوة بعد أن ضربوا أسألتنا-عن المعاناة من الميول الجنسية المثلية- بعرض الحائط.
فتركوا عقولنا ظمأة متعطشة فلا نملك غير الأسى لنلقى مصيرنا المجهول.
فكيف ترون هذا الموقف فى ميزان العدل؟
38 التعليقات:
لا يرقي لميزان العدل ... فأياً كان عذرهم ... فسيكون اقبح من الذنب.
اعتقد انه الجهل بالشئ .. جهلهلم جعلهم يصمتون .. اتمنى ان نصبح نحن فى يوم من الايام ذلك النور للاخرين حتى لا يتكرر هذا الموقف مرة آخرى مع الاجيال القادمة.
متجدده و مشفيه
سعيد جدا بمروركم وبمشاركتكم
-------------------------
فعلا الموقف ده أثار دهشتى حتى بعد الزوار ما رحلوا
أخصائى إجتماعى يسمع ان فى المدرسه مجموعه بيعانوا من ميول مثلية...ويسكت
فى خطر وضرر...ويسكت
ومايحاولش يقوم بأى دور نهائى غير إن يسكت وكأنه ماسمع شىء
-------------------------
ده الجاهل بالشىء المفروض يسال ويدور ويقرا ويتعلم
الأخصائيين اللى كانوا فى مدرستى
كانوا محتاجيين هم أخصائيين إجتماعيين
لو كانوا يعلمون وحجبوا علمهم عنك يكونوا ظالمين ولا شك
أما ان كانوا يجهلون وفضلوا السكوت فهذا عدل
ده بالنسبة للمحاضرين
اما الاخصائى الاجتماعى فكان ولا بد ان يبحث عن الاجابات لان هذه وظيفته ويحاول الاجابة عليها
ولكن من الممكن ان يكون هو الاخر لا يعرف الى من يلجأ وهذا فى اعتقادى خطأ فى تدريبهم فى الاساس فهناك بعض النقاط التى لا يتم تغطيتها فى تعليمهم ولا تدريبهم
وموضوع المثلية ليس بالموضوع الذى يمكن التعامل معه بسهولة فله جوانب عده دينية وتربوية ونفسية واجتماعية
تفتكر لو كانوا جابوا اجابات تزيد من يأسك كان هيبقى ايه الحال دلوقتى؟؟
يمكن كنت مشيت فى طريق تانى خالص
السكوت احيانا بيكون احسن
من القول بغير علم
على فكرة انت بتكتب حلو ومش عارفه ليه مش بتكتب بانتظام
تصور انا غبت كل ده عن المجموعة ومحدش سأل عنى غير اثمن وانت والم
بجد زعلانه منهم
تحياتى
friend4ever
اعتذر و متزعليش مني
و لا تزعلي نفسك يا قمر ، احنا اشرااار
وحشتيني مووووووووووت
اموووووا "بوسة عالسريع "
اكيد مش هتفلت مني يا مجاهد ، بس انا حبيت ارد على فريند الاول ...و لنا لقاء
مممممم...
كتم الاخصائي عن الاسئلة يعتبر ظلم..لكن زي ماقالت فريند...يمكن عدم التدريب الجيد ادى الى ذلك...
عموما..حاليا تقدر تجاوب على اسألتك صح :)
اتمنى ان الثانيين اللي سألوا كمان يكونوا لقوا اجابات و ماشيين ف طريق صح...
طبعا مع كل اللي تقال...ما ننكر ان التوعيه واجبه واجبه واجبه و ضروره كمان للأهل و الابناء..
"تصور انا غبت كل ده عن المجموعة ومحدش سأل عنى غير اثمن وانت والم "
أنا اسف..و بج بجد انا كنت ملاحظ انك مختفيه..بس كنت دايما بزرو مدونتك اطمن اذا رديتي و لا لأ...معليش..حقك عليا...
تحياتي
فريند فور إيفر
جنون عاقل
إستيل
مش لاقى رد على تعليقاتكم غير ب إنى سعيد جدا بمروركم
كالعاده بوست رائع ومشروع كاتب مميز في المستقبل
كلامك بيشجعنى كتير وبيحفزنى
كلماتك فليله لكن واقع تأثيرها عليه كبير
انا شايف ان تفسير الموقف ده حاجه من الاثنين اما جهل بالموضوع او استهانه بيه وفي كلا الحالتين فان المحاضرين لم يحسنو التصرف.
حسام
ياااااااااه
وحشنى جدا
نورت المدونه
معلش متأخرة كتير
عارف لما الولد بيقف يسال مامته هو انا جيت ازاي؟
ولا يسال في قبلات في الافلام هي الناس دي مش بتتكسف مش انتو علمتونا ان دا عيب ودي قلة ادب
عارف
كتير بيكتبوا ان في بلاوي بتحصل في المدارس اعدادي وثانوي و حتي في ابتدائي و الناس رافضة حتي تعيد علي اسماعها ان في حاجة زي دي بتحصل
من يومين ف برنامج اسمه واحد من الناس شفت اخر لقطة في لقاء مع د-هبة قطب بيقولها عمرو الليثي في كام شاذ جنسيا في مصر .. في احصائيات بتقول 600 الف و في بيقولوا مليون !!
هي بتقول مقدرش اعمل احصائية او حصر ليهم بس هما كتير حسب اللي بيجولها في العيادة ..
الكل عمال "يجعر" عايزين تربية جنسية في المدارس ..
انت كنت متخيل ممكن يردوا يقولولهم ايه ؟؟
لما المدرسة بيحششوا فيها والمدير بيقول احنا زي الفل
مش عارفة منين جالك الامل علشان تسال علي العدل فين !!
كان فين العدل اصلا من الاول علشان تفتح عنينك تلاقي اللي جرالك جرالك
فيه عدل عند العدل بس.. يعني ورا كل دا حكمة لا يعلمها الا الله
الرفض و" لا" اللي بتقولها بعلو صوتك احسن اجابة ولو انها متكفيش علاج لوحدها ومتسالنيش امال ايه الحل علشان معرفش
ولو اني مش عارفة منين افتكروا ان اجابتهم علي الاسئلة ذاتها فيما يخص علاقة جنسية بين واحد وواحدة و علي اعتبار انهم في وسط مراهقين ارحم ما يجاوبوا علي اللي اهم !!
في كل الاحوال اعتقد (والاعتقاد بيكون عن يقين) نادرا ما هتلاقي حد يفهم ويقدر ويحس .. الا برحمة ربنا
الكلام ملخبط و ملوش معني بس مش مشكلة .. اهو زي الدنيا واللي فيها
خد بالك من نفسك وتوكل علي الله
"كان فين العدل اصلا من الاول علشان تفتح عنينك تلاقي اللي جرالك جرالك"
---------------------------------
بعد التحيه يا ألومه........
ماتعرفيش الجملة دية أثرت فيه أد إيه
عندك حق....
نورتى المدونه بجد عاوز أتكلم أكتر
لكن أنا بمر بظرف حاسم كنت متخيله صعب جدا ما طلعش كده بس طلع حاسم
متركزش فيها انا بكتبها وانا متضايقة مني اني بقولها علشان فيها لمحة غضب
الرضا بالمكتوب حاجة صعبة اوي اوي و محتاجة مجاهدة نفس و ارادة و عزم
صعب غير حاسم
ربنا يعينك علي ما اصابك ويوفقك فيما يرضيه
توكل علي لله فهو حسبنا ونعم الوكيل
أسير بنظرات تملأها الحيرة و السؤال.
لماذا أنا مختلف عن الأصدقاء و الزملاء؟
انا مش مرتحالك و شكلك في حاجة كبيرة ومش عايز تتكلم
بس هقولك حاجة
بما ان ربنا عدل و دي لازم يكون عندك يقين بيها
ربنا ساوي بينا وبين بعض
مفياش حاجة تفرق عنك ولا غيرك يفرق عنك
لا في العقل ولا الجسم
بس اللي الروح اللي جوا الجسم و العقل دي مختلفة
فيك مميزات اكيد
و ما ابتلاءك الا لانه يحبك
حاول تشوف ربنا ادالك ايه ميزك بيه هدية عن العذاب اللي بتتعذبه في الابتلاء دا
اكيد ادالك حاجة بداله صدقني
يمكن مش شايفها
او مش حاسس بقيمتها
بس والله انا متاكده انه ادالك حاجة يعوضك بيها و حاجة مميزة كمان مش موجودة ف غيرك
فكر كده ورد عليا
يهمني اعرف ردك
الله يطمنا جميعا
ألومه
كيف الحال؟
حاضر هجاوبك
-----------
بس الاول عاوز أقولك حاجه المثلية اللى بعانى منها أنا مش بعتبرها ابتلاء من الله أنا ديما بقول انها ابتلاء من البشر ما نكرش ان ارادة الله تكمن فى ان ترك الاذى ينفذ ليه لانه طبعا كان قادر انه يمنعه واكيد لده حكمه "حكمة الخير والشر وان الحياه اختبار"
والحمد لله العظيم
-----------------
أجاوبك
طبعا ربنا بيعوض وبيدى مميزات
كفايه نعمة الصبر وتحمل هذا البلاء
ومعظم اللى بيعانوا زيينا عندهم قلب يحس جدا ويفهم ويتقبل الغير
يعنى مش قلب زى الحجر قاسى لا
وعشان القلب اللى عندنا ده بنجرى للعلاج مانكرش ان فى ناس مش معترفه بالعلاج بس دول ليهم ظروف تانيه
-----------------
واكيد حاجات تانيه كتير عندى وغير اللى بكتشفه فى نفسى اثناء التعافى
-----------------
انا بعترف ان ربنا واقف جمبى وبيعملى ديما الخير وهو اقرب ليه من اى حد فى الدنيا دية كلها
--------------------------------
سلام لزوار المدونه
استيل
هوب
ديسبريت
جنون عاقل
اثمن
فريند فور ايفير مختفيه ليه
قلب
حسام
وبقية الزوار ومع المعذرة لو نسيت حد
زوغت مني انت
القلب الطيب نعمة طبعا و عملة نادرة انك تملك قلب يحس بالاخرين
مش عارفة يمكن كنت بدور علي موهبة او حاجة مادية ملموسة
اللي خلاني افكر بالشكل دا ان القلب الطيب اللي مبقاش موجود في الدنيا دي الا عند بعض الناس القليلين جداااااا و نادرا ما تتكعبل ف حد كده
هو دا بيخليك تميل للوحدة صح؟؟ معرفش ليه ربطتهم ببعض بس احساسي ان اللي قلبه طيب بيكون عايز يساعد غير و يوزع الحب اللي جواه لكل الناس او بيكون نفسه يعمل كده بس لما بيكون حاسس انه مختلف ف حاجة عن اللي حوليه بيكون اكثر عزلة حتي لو مش عايز يكون كده
انا معترضة انها فعل بشري
انت صنفتها كده لما فكرة واستعملت عقلك
المرض له اسباب ممكن تعرفها
الموت كمان له سبب ممكن توصله لو شغلت دماغك
اللي اقصده ان كل شيء خلق بقدر
ممكن اكون ربنا ابتلاني بحاجة فيا بكرهها بس في نفس الوقت ادالي حاجة جايز يشعر فيها الاخرون انها نعمة و هبة من الله حتي انك ممكن تلاقي اللي يحسدك عليها !!
مش عارفة فاهم مني حاجة ولا لا بس بجد مش عارفة اعبر ولكني متأكده ان ربنا قصاد الابتلاء دا اللي عايز يسمع فيه صوتك اوي و دايما مش مجرد قولك يارب و تبعد وتنسي لا عايز كل لحظة وكل دقيقة تقوله يارب ارفع الابتلاء دا عني
اكيد عندك حاجة مش موجودة عند غيرك جايز ف قلبك زي ما قلت جايز ف تفوق ف تفكير مختلف ف انسان قريب منك ف اي حاجة لو دورنا هنلاقي اكيد
فاهم مني حاجة ؟؟
اه بالمناسبة
خد بالك من قلبك دا علشان مفيش منه كتير :) بمعني انك لو ف لحظة دخلته حاجة مش ممكن تغير طبيعته .. اطردها و حافظ عليه نقي و نضيف وطاهر ومليان امل وحب لله ولخلق الله :)
الله معك
ملكش الحق انك تقارنها بميزان العدل
ناس زى دول فرحانين باللقب والشهادات اللى اخدوها.
منتظر الجديد
سعيد بمرورك
----------
وبمشاركتك لى بما شعرت من هذا الموقف
--------
مرحب بيك دائما فى مدونتى
ازيك :)
الله يسلمك
:)
بكل اخلاص انا ممنن و شاكر لتعليقك و منتظ منك اي معلومات او مساعده لندفع المجتمع والرأي العام لتقبل من يريد المساعده مهما كانت معاناته بدلا من تجاهله فانا هاكون سعيد جدا بهذا التعليق و على فكره بوست "البدايه بدون عنوان " هو بدايه لمقال كبير في صفحتين في مجله مشهوره فلو هتساعدن مشاركه هاكون سعيد و يايريت نقدر نقبل و نساعد كل واحد طلب مننا المساعده
شكرا لقبول دعوتى وزيارتك لمدونتى
مرحب بيك
على فكره عنوان الحلقه القادمه بعد ايام مستني الاقتراحات والمشاركات
عزيزتى
فريند فور ايفير
إنت فين!!!
؟
قلت اطمنك اهي ردت عندها :)
ايه يعني اللي بيحصل يعني :(
مش هتتجدعن كده وتكتب حاجة .. تفضفض بيها :)
وبلاش لعب وقفل مدونات هه :)
ياستى مانا لسه كاتب بوسط اهه
:)
؟؟؟؟؟؟؟؟؟
انت مسحت البوست الجديد ؟؟؟
جرا ايه يا مجاهد :(
مجاهد شلت البوست ليه
طمنا علي اخبارك
السلام عليك....
أولا .... أنا بخير جدا جدا جدا
الحمد لله
:)
أنا شيلت البوسط... بس طبعا بعد مانسخة البوسط ونسخت تعليقاتكم الجميلة...على الورد
------------------
لما رجعت نفسى خفت أدى صورة غلط للتعافى لان التعافى مش هو الانجذاب للجنس الاخر أو الاحلام الجنسية كل ده نتيجه مش أكتر
لبناء شخصية سليمه"التعافى" بعد ما كانت شخصية محطمه"العارض او المرض" اللى كانت نتيجته الجنسية المثلية...
ده سبب ياديسبريت
------------------
وكلام بينى وبينك يا ألومه
حسييت إنى مجنون
وخفت البوسط ده يركبنى ذنوب...
بالرغم إنى أنا معبر بإحترام وده أنامتأكد منه
:)
بس
لكن أنا الحمد لله
اضحكك عليا
انا علقت عليك زي ما جه علي بالي وقتها
و لقيت الناس ورايا علقوا علي انه في البوست ايحاءات جنسية و كده
انا قريته مرة واحدة
و شكلي والله اعلم مشفتش اي كلام من اللي بتقولوا عليه مع انش فاكرة اني قريتها كلها
:) :) يلا اهي نعمة من ربنا ههههههه
اديك حققت غرضك فضفضت و سمعتنا :)
اذا كان كده ماشي
يا رب ديما بخير
مش ممكن اسلوب اكتر من رائع يا مجاهد
والموضوع قوي
والمعناة شديده ع سن ماكنت بتحكي
باحث عن الذات
تعليقك كان مفاجأه بالنسبالى
غياااااااااابك طول جدااا
سررت بوجود تعليقك ..........
وشكرا لتشجيعك :)
وهختم كلامى بالحمد لله على كل ما مضى وعلى الحاضر وعلى اللى جاى
إرسال تعليق