اللوحة بقلم الفنان optimismary رفيقي قى طريق التعافي
الحمد لله الرحمن الرحيم كلي حب و تقدير
و إحترام و إمتنان لمجموعة المساندة
لكم مني جزيل الشكر لمعاونتكم لي
لما وصلت إليه من تعافي أحمد
الله عليه و أطلب من الله العون
لأكمال طريقي طريق التعافي
و النضوج الذى هو
مسيرة حياتي
21 التعليقات:
الف مبروك ياصديقي..وعقبال 100سنه تعافي ..انا اتشجعت بيك اوي وفرحان عشانك جداواتمنى لك مزيد من النجاح و الثبات على طريق الحق..طريق التعافي
مفاجأة
أنا سعيد إنك أول تعليق
وأكيد اللى أنا وصلتله ده كان بفضل الله ثم المجموعة اللى إنت فرد عزيز علينا فيها
شاكر لمرورك
اووووووووووووووووو .. الف مبروك يا مجاهد يا قمر .. كان نفسى اكون معاك .. انشاءالله نحتفل بمرور 2 سنة مع بعض السنة اللى جايهز
وأنا كمان كان نفسي أوي تكونى معايه
الله يبارك فيكي وطبعا مش محتاجه أقولك إنك ليكي نصيب في الشكر ده ونصيب كبير
والاحتفال مش هيكون بتمام اتنين سنه ده هيكون بوجودك إنت معانا
:)
ألف مبروك يا مجاهد
بجد بقولها لك من قلبى
وربنا يااااااااارب ما يحرمكم أبدا من الصحبة الحلوة دى
صحبة الخير الطيبة
بجد عنيا دمعت لما شوفت الصورة
وخاصة لما قريت إنها من الأخ optimismary
يااااااه
الهموم تهون لو فيه ناس كدا
ربنا يبارك فيكم يارب
ودعائى لك ولكل الجروب
ربنا يتم عليكم فرحتكم كلكم يارب دايما بخير
سعيد جدا بوجودك وتواصلك معي
:)
الله يبارك فيك وعقبال ماتحقق كل أحلامك
فعلا الصحبة اللى كانت بقلب واحد على معاناه واحدة تجمعنا دى نعمة كبيرة
قبول وحب غير مشروط لاقيته معاهم
ربنا يديمها نعمة يارب
والله أنا أسعد
:)
اللهم آمين
الله يسمع منك يارب
عارف ليه يا "مجهاد" ليه فعلا الصحبة دى أنت بتحلف بيها
لأنكم فعلا اتجمعتم بهدف واحد وبقلب واحد وكانت الصراحة شعاركم والصدق كان حبل اعتصامكم
بجد دا شئ راشع ولا يقدر بثمن
ربنا يوفقكم يا "مجاهد" ويقويكم يارب
:)
!Congratulations
ألف مبروك يا أخي العزيز مجاهد :)
عندما تكلمت بالأمس أحسست أنك بدأت تقف على سلم التعافي بثبات وثقة.
وفقك الله لكل خير وأتمنى لك المزيد من التقدم في مسيرة التعافي
وان شاء الله نحتفل مع بعض السنه القادمه.
اكيد طبعا انا اول واحد رفيق ليك في طريق التعافي ولا ايييه؟
dr.m
أمين
:)
optimismary
الله يبارك فيك
ويوفقك ربنا إنت كمان.
بأذن الله نحتفل مع بعض السنة القادمة
:)
محمود
طبعا ياصديقي... فاكر أول يوم قابلتك فيه
لسه بفتكره وبضحك
:)
اولا الف الف مبروك واتمنالك دايما الثبات في طريق التعافي و تحقيق المزيد من التقدم
بجد انا بابقى مبسوط قوي و باتشجع بكل حد قطع شوط كويس في مسيرة التعافي زبك كدة
و كمان بابقى مبسوط قوي لما باشوف التعليقات و باحس اد ايه المجموعة بتحب بعض و تساعد بعض و تشجع بعض
انا مستني اليوم ان شاء الله لما انضم للمجموعة الجميلة دي و ابقى فرد منها
ربنا يوفقك و يوفق المجموعة كلها لكل خير دايما
باحث عن التعافى
أولا منور ويسعدنى تواجدك ديما
ثانيا الله يبارك فيك
بطلب من الله يثبتنى
ويعينى على ضعفي وإحتياجاتى
يمكن مخوفنى إن قدامي الكتير اللى لسه ماعملتهوش وهو مايقلش أهمية عن التبطيل
إنى ألاقى نفسى وده يعنى شغل على حاجات كتير ودى ناقصلها كتير شوية
الحمد لله على كل حال
وإحنا كمان مستنينك
:)
وإنت كمان ربنا يوفقك
عسى أمورك كلها بخير وطيبة دايما إن شاء الله يا أخى :)
تحياتى لك يا مجاهد
والله يربط على قلبك برباط التقوى ويثبت خطاك إن شاء الله
واحنا معاك بإذن الله
أمين
:)
أمورى بخير والحمد لله على كل حال
كلماتك أسعدتنى
بجد راجعه ومبسوطه باللى وصلتله
ويارب دايما كده على طول ;-)
لا بجد
مفاجأه
ليكى وحشه كبيره
حقيقى وجود تعليقاتك أسعدتنى
وأتمنى أنى اشوف مطر من التدوينات
بعد الغيبه الطويلة دية
مبروك يا مجاهد
ويارب تثبت فى طريقك
ويارب يبقى دة دافع لأستكمال حياتك بنجاح وأمل
طبعا بتقول مين دة اللى عمال يدعيلى
دة
انا حد متعرفوش بس كان ممكن كنت بقيت حالة صعبة لولا صديق
ساعدنى وانا فى اول طريقى
بس انا بكون فرحان بكل للى ربنا اداهم فرصة واستغلوها
ربنا معاك
شكرا
سامى
الله يبارك فيك
أمين
أمين
أكتر شىء بيسعدنى إن حد يقدملى مسانده
وهو مايعرفنيش
شاكر لمرورك
ويسعدنى وجودك ديما
ربنا يسعد قلب الجميع ويكون فى عون الجميع إن شاء الله يارب :)
أمين
dr m
:)
ربنا يبارك فيك
إرسال تعليق