أن تواجه المجتمع بمعاناتك من الجنسية المثلية.إنه القرار الصعب الذى كان فى بداية الأمر مستحيلا لكنه الدواء الدواء المر.لقد قررت أن أظهر وجهى الحقيقى لصديقى(الغيرى) لأقول له أنى أعانى من الجنسية المثلية(أميل عاطفيا و جنسيا للذكور)كنت مستجمع شجاعتى و قوتى فالأمر عسير."لكن المضطر يركب الصعب" فأنا فى أشد الحاجة إلى مساعدته لأتخلص من هذا الداء اللعين.عندما تقع و تجد ما يعينك على الوقوف.
عندما تغرق و تجد ما ينقذك.
هذا كان إحساسى عندما تقبلنى صديقى كان قبوله فى بداية الأمر قبولا غير مشروطا.لقد تقبلنى بعد أن فهم ماهى الجنسية المثلية و ما أسبابها و كيفية الوقاية منها.كنت سعيدا بقبوله لى و بأنى أقوم بتوعيته بكيفية وقاية أطفاله فى المستقبل من هذا الداء. زاد تقديرى و حبى له.لقد كان إيجابي معي تماما.معنوياتى أصبحت فى السماء.حقيقتا شعرت بتحسن شديد.فلقد خطوت خطوة مهمة فى طريق التعافى.
"ولكن هل دائما تسير الرياح كما تشتهى السفن؟!!"
مر إسبوع على حديثى معه بشأن معاناتى من المثلية.
ذهبت لصديقى إلى بيته لزيارته كالعادة فى كل يوم جمعة.
يفتح لى الباب........
لتعانق يدى يديه للسلام و التصافح تقع عينى على عينيه لأقرأ فيهما السؤال و الأستنكار و التردد.كنت أشعر أنى ألقاه و لأول مرة فسلامه لم يعد يحمل الدفء الذى إعتدت أن أشعر به فى المرات السابقة.لقد كان السلام باردا باردا جدا.
دعانى للجلوس فى حجرة المعيشة.....
يشاهد التلفاز الصمت سيد الموقف.كنت أنتظر منه أن يسأل عن حالى فهذه عادته دائما خاصة لو علم بأنى مصاب بمكروه
"أليست المعاناة من المثلية مكروه؟!!"
لم يفعل و لم يتحدث إلي قط إلا أسمع منه ضحكات مصطنعة أثناء مشاهدته لمسرحية معروضة فى إحدى القنوات.أشعر بضعف نفسى فلا حيلة لى لم أعتاد أن أوضع فى هذا الموقف أبدا إستجمعت ما تبقى من شجاعتى لأقطع هذا الصمت لأقول
"أنا عاوز أتكلم معاك" قائلا أنا
الصديق : إتكلم أنا سمعك
"إنت ليه ما سألتنيش عن حالى ما عندكش فضول تعرف إذا كان فى جديد و لا لاءه بخصوص معاناتى من المثليه" قائلا أنا
الصديق : أنا مش فضولى و بعدين إنت مش قولتلى أعاملك عادى أنا بعاملك عادى و أنا مش هكلمك فى الموضوع ده إلا لو إنت عاوز تتكلم فيه
"عادى!! لا هناك شىء غير عادى و مختلف و يجب أن أعلمه" ما دار بخاطرى
فعزمت أن أسأله سؤال "مجرد سؤال"
"إنت كان إحساسك إيه لما عرفت حقيقتى؟" قائلا أنا
الصديق : مهم إنك تعرف إحساسى هيفيدك فى إيه إنك تعرف؟؟
"طبعا هيفيدنى إنى أعرف جاوبنى" قائلا أنا
الصديق : بصراحه أنا مش مصدق و أنا لولا إن أنا أعرفك من زمان أنا كنت قطعت علاقتى بيك فورا و بقولك من غير زعل لو حسييت إنك فى مره ماشى فى طريق غلط أنا مش هعرفك تانى
"كان يقولها و هو مبتسما إبتسامة إستنكار و عتاب و رفض"
"ياالله الرحيم لقد ضاع مجهودى فى الهواء من شرح و تعريف للجنسية المثلية و أسبابها إنتهاءا بإفهامه ظروفى القاسية التى أدت إلى معاناتى بهذا الداء اللعين لقد رجعت من حيث ما أتيت" ما دار بخاطرى
إضطررت إلى أن أعيد شرح بعض النقاط التى كانت إحداها عن كيفية العلاج و كيف يقوم بدور كبير فى بناء شخصيتى فالعلاج يصلح ما أفسدته معاناتى من المثلية فلذلك العلاج يأخذ مدة طويلة من الوقت.
الصديق : وقت طويل!؟؟ دانتا المفروض تكون حاطط فى دماغك إنك تتخلص من الحاجه دية فى شهر شهرين تلات شهور دى حاجه لازم تتخلص منها فى أسرع وقت إنت مالك ما عندكش حماس كده و مستسلم.
!!!!كان يتكلم بعصبية و بحدة و بغضب لدرجة أنى طلبت منه أن يخفض صوته قليلا.إنه العتاب و اللوم عتاب و لوم أب ينهر إبنه لعدم تكرار الخطأ.كان يتكلم معى من منطلق أنه الأعلى فأنا فى نظره كنت فى مكان أسفل.
"لا لا لا لن أكون ضعيفا أمامه أبدا" ما دار بخاطرى
لقد ضغطت على جميع جوارحى لتكف عن الصراخ لأتعامل معه بندية و بقوة و عزمت على أنى سأنهى النقاش لصالحى
" أنا مش مكسوف من معاناتى من المثليه ده مرض نفسى أى إنسان معرض إن يتصاب بيه كان ممكن تبقى إنت مكانى" قائلا أنا بجراءة و قوة
لأذكره ببعض من الأسباب التى تسببت فى معاناتى من المثلية لقد نسيها صديقى العزيز الغيرى.
نسيى أنه تم التحرش بى جنسيا من أحد أقاربى عدة مرات و كان سيهم بالأعتداء الجنسى الكامل لولا رعاية الله وحفظه لى(كنت طفلا صغيرا فى مواجهة بالغ راشد).
نسيى بعد الأب و الأم و الأخوه والأخوات بعدا مكانيا و نفسيا على مدار سنوات عمرى إلى الأن.
نسيى المعاملة السيئة من جدى و أعمامى خصوصا فى صغرى.
فهو لم يعد يرى إلا هذا الشاذ جنسيا المذنب المخطىء.و والله ماأنا بمذنب أو بمخطىء
"ربنا مش هيحاسبنى على أحاسيسى لكن هيحاسبنى لو هميت بمعصيه و بعدين أنا ماشى فى العلاج كويس جدا و محقق نتايج هايله أنا مش مقصر فى حق نفسى. أعمل إيه تانى؟!!" قائلا أنا
لقد جاوبنى بعد صمت طويل ليقول لى" الحمد لله".......
خرجنا من بيته سويا لتفرق بيننا الطرق مودعا إياه لأسير فى طريقى تاركا جوارحى لتصرخ ليخرج ضعفى ليسير فى كل جزء من جسدى لأشعر بالألم و الهوان لقد تراجعت خطوات للوراء فى طريق التعافى بعد ما كنت أشعر بتقدم.
خسارة يافرحة ما تمت يا صديقى للأسف قبولك زائف لا يفيد فى علاجى لأنه قبول مشروط سيف مسلط على رقبتى.أنا رفضه
عذرا صديقى الغالى عذرا....
39 التعليقات:
كنت متوقعة السيناريو كده بالظبط
بس انت فعلا تستاهل الاحترام و بجد حسيت بالفخر انك وقفت في وشه و مسكتش
هو مع كل اللي انت حكيتهوله مفهمش حاجة او زي ما تقول مكانش عايز يفهم
الناس كده يااخي مش عايزين يعرفوا اي حاجة غير اللي هما يعرفوه اي شيء مخالف للي يعرفوه بينكروه
علي الرغم انه يعرفك كويس و عارف اخلاقك و عاشرك مش مجرد اتنين اتقابلوا في طريق.. بالرغم من كل دا مقدرش يواجه نفسه بانك هو انت نفس الانسان اللي صادقته العمر دا متغيرش فيك شيء انما كل ما في الامر انه هو عرف حاجة مكانش يعرفها
قادرة اقدر احساسك انك اترفضت من انسان وثقت فيه .. بس انت مش غلطان وملكش حق انك ترجع خطوات في العلاج .. مفيش حاجة تستاهل تخليك ترجع لورا
ورا دا انت مش عايزه
انت عايز بكرة والنهاردة و امبارح دا خلاص مهما عملت عمره ما يرجع
بايدك الدقيقة الجاية انما اللي راحت خلاص استفدت منها ولا كرهتها خلاص راحت
انت حاولت ترضي صاحبك علي حساب اعصابك و النتيجة انه مفهمش .. مش هتقف الدنيا عنده و مش هيفهمها الا حد عاشها علشان يعرف يقدر
تفتكر مين اهم دلوقتي انت وحياتك اللي جاية مستقبلك و عمرك اللي جاي ولا حد مش قادر يفهم؟
هو معرفش يفرق بين المريض والمذنب
نصب نفسه القاضي والجلاد و الحوار اللي دار بينكم ,, انا حسيتك انت المنتصر فيه و ثقتك في نفسك خلتك تواجهه و طالما قدرت تعملها مرة يبقي هتعملها تاني علشان معندكش حاجة تخجل منها طول ما انت بتدور علي هدفك وعارف سكتك
هرجع اقولك انت انت بتجاهد نفسك و بتجاهد ناس و بتجاهد مع ناس
انت هتختار المجاهدة فين مع مين وليه
وانت عارف سكتك كويس و عارف ان نفسك تستاهل تعملها كده تستاهل تقدم خطوة قدام وسيب اللي ورا ضهرك خلاص عدا وفات و مش هيرجع الا لو انت عايزه يرجع
و الشوية اللي شفتك فيهم بيقولوا انك مش هتخلي اللي ورا يبقي قدام ابدا
جوايا كلام كتير بس مش عارفة اعبر
انت مش غلطان بالعكس اللي حكيته يستاهل الاحترام والتقدير
لو كنت مكانك هتقهر و ابكي و تصعب عليا نفسي بس لما اتعب من كل دا هفكر ازاي اخد حقي
حقك تاخده لما تتقدم وتثبت لكل الناس انك عارف طريقك
عارف المثل الانجليزي اللي بيقول لا يفيد البكاء علي اللبن المسكوب
انا بعبطي ممكن اعيط شوية بس لو اخدناها بالعقل كده
عايزة حقي ومش هاخده باني افحت في البحر ممنوش فايدة
حقي هاخده لما اوصل للي عايزاه ساعتها لو فهموا وحسوا كان بها ولو مفهموش الله الغني ميلزمنيش
اوعي تضعف ولا تفتكر انك غلطت
انت قولت الدواء المر وهو فعلا كده
والحقيقة دايما مرة
اللي عايز يعيشها لازم يعرف انها مرة وبتوجع
يبقي تجهز الخطوط الدفاعية ( وانت عندك ما شاء الله )
عارف يا مجاهد
يثبت الله الذين آمنوا بالقول الثابت في الحياة الدنيا
ثباتك في موقفك قدامه خلاه صغير اوي اوي اوي وانا لو مكانه هبقي خجلان من نفسي اوي -محدش ضامن بكرة فيه ايه -
مش بتمني شر لحد بس لا بايده يدفع اذي عن نفسه ولا بايده يمنع مكتوب
الله يعافينا جميعا من كل سوء
انا رغيت كتير اوي عارفة
اجمد كده وانسي كل دا
ان كان علي الاصحاب فخليك فاكر ان الصاحب بيتعرف في الشدة وبس
ومفيش شدة زي دي
ربنا يثبتك و يعافيك من ابتلائك و يطمنا عليك يا اخي :)
مش هقول اكترمن اللي قلتهولك امبارح
انت بطل و قوي و ارفعلك القبعة الحمراء
و مش هتكلم عن صاحبك دة لاني قلتلك كلامي امبارح
انا بس هؤكد ليك حاجة واحدة بس عاوزك تفتكرها كويس
انت مرجعتش لورا بسبب فشل او حالتك تسوء انت رجعت علشان تنط مسافة اكبر
لان لو انت واقف مكانك لو نطيت مش هتنط كتير قدام بس لو رجعت شوية لوارة دة مش معناة هزيمة دة علشان انت هتنط لقدام اطول و اكتر افتكر الكلام دة كويس :)
ربنا معاك و انشاء الله يخفف همك :)
اخوك
amidos
مجاهد
انا سعيدة انك كتبت
اللى زهرة واميدوس قالوه صعب الواحد يقول كلام بعده
اميدوس دا طلع فعلا فيلسوف كبير:)
اضحك
عارف صاحبك اخد الطريق السهل وهو الانكار ودا نوع من الحيل النفسية اللى بنهرب بيها من مواجهه المواقف الصعبة اللى مبنعرفش نتعامل معاها
هو واضح انه مفهمش قوى
وبالتالى مقدرش يساندك
اللى عايزة اقولهولك ان ده اختبار من ربنا
ياترى هتثبت وتعدى ولا هتضعف؟
أنا أظن انك ان شاء الله هتثبت ومش بس كده ده هيكون حافز ليك علشان تكمل طريقك وتوصل لنهايته
وتعزمه فى فرحك كمان
واحنا
اوعى تنسانا:)
أنا بالطبع مدركة لألمك مش سهل الواحد يحس ان اصدقاؤه بيتخلوا عنه لكن هقولك اعذره
وربنا هيعوضك خير ان شاء الله
ادى زهرة اهى اخت جديدة
وانا
وأثمن
وعمر
وحسام
وماى بى سون
واميدوس
ايه ده انت طماع قوى
دا انت عندك أصدقاء كتير
عايز ايه بقى؟
ربنا يكرمك
هخلى اميدوس يقلك نكت
تحياتى
السلام عليكم..
مش عارف اقول اكثر من اللي قاله أميدوس و من اللي قالوه أخواتي..
"و عسى أن تكرهوا شيئا و هو خير لكم"..
هو الدواء مر.. و نتيجته يمكن مش زي ما تحب الأن..لكن الله اعلم ايش ممكن يصير بكره..وزي ماقال اميدوس..الرجوع للخلف عشان النطة الكبيره ان شاء الله..
لكم سلامي...
Maybe Soon
السلام عليكم
يارب تكون النهاردة احسن :)
جه في بالي اقولك ان ممكن ربنا يكون بيختبر صبرك و صدق نيتك و عزيمتك
ادي صاحبك اللي انت قلت عليه عزيز و غالي اللي يعرفك كويس اتصدم و انكرك
هتصبر وتثبت ولا هتقول ممنوش فايدة خلاص و كده كده خربانة !!
بيتهيالي اللي حصل دا اختبار لصدق النوايا ومدي اخلاصك فيها
فكر كده تاني و استعين بالله فهو خير معين
موافقة انا علي راي فريند بس مفيناش من جديدة زي بتفكرني بحاجة تانية :)
خليها اخت كبيرة :)
مجاهد كان نفسي اكون اول واحد اعلق بس والله لسه شايف القصة دي دلوقتي..انا اتالمت عشانك اوي..للاسف صاحبك ده مفهمش ولا كلمه من اللي انت حاولت تفهمهوله.. والدليل على كده انه يقولك انه عايزك تتغير في 3شهور انا مش عارف ازاي اصلا يقول كلمه ذي دي ازاي جيه في باله ان حاجه اتكونت في سنين وسنين وظروف صعبه مريت بيها ممكن تخلص كده في 3شهور وكاننا الات مش بشر لنا احاسيس ومشاعر لاتتغير بضغطه كل اللي جيه في باله انك مش كويس ..ذيه في كده ذي معظم الناس اللي احنا عايشين معاهم واللي للاسف مش قادرين يفهمو يعني شخص بيعاني من المثليه وبيقاوم للاسف اللي ايده في الميه مش ذي اللي في النار..
بس انا مش عايزك تندم كفايه عليك شرف المحاوله والمخاطره اللي انت عملهتا متقولش من غير فايده لا بفايده..ولو صاحبك بعد عنك متندمش لانه في الحاله ديد يكون مايستهالش صداقتك..
مجاهد ..انت انسان محترم اوي وبجد انا باحترمك وشايف انك قوي مش ضعيف انت حاولت تتكلم غيرك لم يجرؤ على الخطوه دي متندمش وان شاء الله ربنا هيوفقك لانك تلاقي الانسان اللي يحس بيك وبمعاناتك ويساندك بجد وعايز اقولك احنا هنا جانبك وحاسين بيك اخوك حسام.
شكرا للجميع إخوتى أعزائى بجد قويت بالله وبيكم انتم فعلا احلى اسره الله يخليكم .كلامكم ريحنى كتير واتقدمت بيه
-----------------------------------
زهره
عندك حق ورا ده انا مش عايزه .كان غصب عنى ان بعد الموقف ده احس بالضعف.وبالحزن وبداية اكتئاب كده بس انا لحقت نفسى روحت كلت لقمه كده ونمت نوم اهل الكهف ولما صحيت يوم السبت اعدت اكتب فى الواقعه مع انى كنت بحس بالم وانا بكتبها لكن كتبتها واستريحت شويه.شكرا لأحترامك وتقديرك
انا هخرج من التجربه اقوى ان شاء الله
وانا عارف انى ما غلطش كنت حاسس انى كنت بعمل الواجب معاه انى اوعيه يستفيد من تجربتى القاسيه
.كلامك جميل زى بقيت الاخوه وكنت عاوزه تسيبينا :( اوعى تفكرى كده ابدا.ربنا يعافى زوجك يارب ويجعل صبرك فى ميزان حسناتك أمين
-----------------------------------
أميدوس
هفتكر الكلام ده يا عزيزى مش هنساه ابدا
بكل صدق مش هانساه وهاساند بيه كمان الناس لأن مقولتك فعلا فيها فلسفه
-----------------------------------
friend4ever
وانا سعيد لسعادتك
طبعا اميدوس فيلسوف نظرتى ما تخيب ابداانا قلت الانسان هذا كله مواهب.
هثبت وهعدى وان شاء الله هوصل للطريق لأخره.واكيد هعزمكم فى فرحى ينهار ابيض انتم مش محتاجين عزومه طبعا دانتم اصحاب الفرح.يسمع منك ربنا ربنا يكتبلك السعاده ديما زى ما بتسعدينا بتعليقاتك. طبعا. انتم اخوتى مش اصدقائى وبس ربنا يعلم بحبكم فى الله. ومعلشى الانسان كده طماع شويه :)
-----------------------------------
maybe soon
عليكم السلام
صدق الله العظيم
بكره هيكون خير لينا ان شاء الله
بص بعد تجربتى دية انا حسييت ان احنا عاملين زى نجوم السينما الناس فى الغالب يفضلوا بصيين لهم وبس يطلعوا يمدحوا او العكس فيهم على انهم مسؤولين مسؤوليه كامله عن الفيلم ومابيجيش فى دماغهم خالص المخرج او المؤلف او بقية المشاركين بالعمل...احنا كده بس طبعا مع الفرق ان معظمهم بيسبونا وما بيفرقوش بين ان انت بتتعالج ومش راضى عن مرضك وبين الى راضى هما بصيلنا احنا بس لكن بيغموا عنيهم عن الاسباب(المخرج والمؤلف وخلافه) الى سببت فى مثليتنا احنا الى بنتلام وبس. طيب والمسببين براءه؟؟؟؟!!!!!!!
-----------------------------------
زهره
النهارده انا احسن الحمد لله
هصبر وهثبت ومش هقول ابدا ما منوش فايده دى خربانه خربانه
لان بكل بساطه انا بتعالج ارضاءا لله
وارضاءا لنفسى مش بتعالج عشان الناس
انا بحس وانا رايح العياده انى باخد اجر على كل خطوه وكأنى ذاهب للصلاة
الحمد لله ربنا رحمن رحيم غفور
-----------------------------------
حسام
اتمنى انى اتغير فى تلات شهور بس كله بأذن الله جمله غريبه جدا لما واحد يصاب ببرد يقدر يحدد هو هيخف امتى ولا بيعمل الى عليه وبيدعى ولما ربنا يأذن بالشفا الواحد بيشفى
برضه احنا مش لازم نياس ولازم يكون لينا دور فى توعية المجتمع.هو سلبى اه فمش لازم نكون احنا كمان سلبيين
كل حاجه فى الاول بتبقى صعبه
انا مش ندمان ابدا لان ده الدواء ولو انه مر بس لازم نخده عشان نخف برضه انا استفدت من التجربه كتير وسعيد بيها على اد حزنى ربنا يقويك ياحسام ويصلحلك حالك
-----------------------------------
شهادة حق
صديقى هذا احبه كثيرا معاملته لى كانت بالحسنه ساعدنى كثيرا وساعدته انا ايضا.
كانت علاقتنا علاقة اخوه حقيقى اقدره واحترمه ولن انسى ذكرياتى معه ابدا حتى لو قرر ان ينهى العلاقه بى تماما
هههههههههههههههههههه
معليش..غلبك ال ميوزك بار..تعيش و تاكل غيرها...
ههههه
أاااااااااااه
maybe soon
فرحان فيه
اه ياعم غلبنى وكنت هفرقع وهطرشق
بس استهديت بالله كده
بس على مين دانا وراه وزمن طويل
مش هسيبه
عجبتني مشوار العيادة دا
الله يثيبك عليه خيرا ان شاء الله
واحسبك مجاهد اصعب انواع الجهاد - مجاهدة النفس مش شيء هين .. اسوء من مجاهدة وسواس الشيطان والعياذ بالله منه ومن وساوسه
استعين بالله و صدقني هيعينك لما تطلب المعونة و هيفتحلك الباب بس انت لا تيأس من الوقوف علي بابه
زي ما قولتلك اعتبره اختبار لصدق نيتك مع الله
والله المستعان
صديقي مجاهد امتنى ان تكون في احسن حال اكيد علاقتك بصديقك ده مش مجرد علاقه عابره والا فانك لم تكن تتشجع انك تتكلم معاه في موضوع زي ده واكيد انت لمست فيه انه هايقدرك ويحس بيك كمان..وانا اتوقع انه بالفعل انسان محترم وحساس وده اللي خلاك تتكلم معاه..العيب مش في صديقك صدقني العيب في ثقافة المجتمع اللي احنا فيه اللي للاسف معظمه بيساوي بين مثلي يطلب الشفاء واخر لايهتم بالشفاء ومستسلم لها..انا مش عايزك تزعل منه و لاتقطعه هو معذور مكنش متوقع كده كمان عقله مش قادر يستوعب هذا المرض بكل مسبباته..ولو هو بعد متبعدش انت دي صداقة سنين مش هتلاقيها تاني بسهوله..بس لقيت منه اصرار على القطيعه..فاكيد في الحاله دي البعد هيكون افضل..
هاهاها
عملتهااااااااااااااا
مش بقولك انا ورا الميوزيك بار والزمن طويل
دانا مجاهد
يا
maybe soon
اه
ياحسام من المجتمع ده لى معايا ذكريات
مع الوقت هتعرفها............
):
----------------------------------
حسام انا صديقى بشكل ضمنى هخيره يعنى هو عارف تليفوناتى لو فعلا عاوزنى هيتصل بيه مش عاوزنى يبقى مش هيتصل.......... و هيبقى بالنسبالى مجرد ذكرى جميله وانا مش هحزن لو قرر ان ينهى العلاقه لأن ده هيكون فى مصلحتنا لأن انا احب القبول يكون فعلا من قلبه وناتج عن فهم ولا يكون ناتج عن عواطف سريعه تتقلب من يوم للتانى
والله
يازهره
(ربنا يعافى زوجك)
من أجمل أيام حياتى التى أقضيها الأن لانى ببساطه أسير فى طريق التعافى.
أشكر الله
أحب الله يداه كانت معى دائما حفظنى فعلا حفظنى ..أنا وجدت طريق العلاج بالصدفه لم اكن مدبر لشىءلاقيت رحمته وانا فى اسوء حالاتى كنت فاقد الرغبه فى الحياه كنت افكر فى الانتحار لم يكن لى مطمع فى الحياه لاطموح كنت اسال ليه انا عايش ليه؟ انا موجود ليه؟ انا ايه؟
اتذكر يوما سرت فيه ليلا فى الشارع أبكى حتى ما كانش هممنى نظرات الناس ليه.
الدنيا كانت ضيقه فى عنيه اشكو الى الله كنت بكلمه وانا ماشى وببكى بحكيله همومى بقوله تعبت مش قادر قولى اعمل ايه محتاجلك قوى شايف نفسى كلى عيوب ومش قادر اصلح حاجه مش قادر اعيش
طلبت منه الموت.....كنت بشكيله وانا يائس قوى مهما وصفتلك مش هقدر اعبر عن حالى كان شكله ازاى
----------------------------------
انا عملت المدونه وانا فى طريق التعافى وعشان كده انا سميتها شروق الامل لان كان فعلا الامل ابتدى يشرق فى قلبى من تانى. من تانى ابتديت احلم ابتديت اشعر بسعاده ابتديت عاوز احقق ذاتى حتى قابلت المجموعه الرائعه هذه صدفه (أثمن عمر حسام اميدوس فريندفور ايفر ماى بى سون واخيرا انت)صدفه كان فى الوقت ده كنت وحيد لان أصدقائى كانوا لهم مشاغلهم الله يعينهم وأنا فى الوقت ده كنت محتاج لسند بشكل كبير يوميا وكانوا خير السند والعون لى
----------------------------------
اعجز عن شكرك ياالله
الحمد لله
السلام عليكم..
اولا مبروك يا بطل..قدرت ع الميوزك بار..الحمدلله انه ما جننك يا شييييييخ...خخخخخ...المهم..
اولا..عامل ايه..و اميدوس و زهرة و فريند و حسام..
اتمنى تكونوا باحسن حال..
مش عارف اقول ايش..ردا على التعليقات..لكن اتمنى من الله كل سعادة و نجاح و توفيق لك و للكل..
قلت بس اسلم عليك..
و ابارك لك خسارة الميوزك يا افندم..
اميدوس مش هتقدر تغمض عنيك :) هيهييههييهي (زي روتانا سينما)
او هيسيب علامة فبيتك :) يهيههييهيهي (زي بانوراما دراما)
ازيك يا واد اصل وحشني اكتب عندك حاجة فقلت اكتب
1
2
3
4
5
الله
الله
الميك شغال كويس حلو حلو
يا ليلي يا ليلي يا ليلي يا ليييييييييييييييل
الله
يا ليلي يا ليلي يا ليلي يا عييييييييييييين
كفاية كدة قلت اجرب صوتي يا ريت يكون عجبك :) هيهيهيهي
زي ما قلت قبل كدة ربنا شايفنا و بيحمينا يعني انا في اليوم اللي استسلمت فية رجعلي الامل تاني
و برضة انت كمان عمل معاك كدة :)
يمكن تلاقي كلامي مفركش شوية بس دة نيجة الامتحانات و المود الي انا فية يمكن انا مش في مود جبار بس برضة مش في مود سعيد انا في حالة توهان شوية
مبروك علي البار يا مجاهد :)
ماي بي سون
عندي فكرة تيجة نوصل الميوزيك بلاير بتاعة بالكهرباء العمومية في المدوننة فالكهرباء فية تزيد فيسيح من الحرارة و يمكن يفرقع :) ههيهيهيييهي و نبقي كدة انتصارنا علي الميوزيك بار و مجاهد :) هيهيهيهيهيهي مع تحيات عصابة ام علي :) يهيهيهيهيهيهيهي
سلام علشان المتحان :)
اخي مجاهد
السلام عليكم
كلامك اكيد مؤثر علشان طالع من القلب و رأيي من رأيك يعني هو عارف تليفوناتك و عارف يوصلك ازاي و انت قدمت السبت من ناحيتك و مفيش حاجة تقدر تعملها الا انك تنتظر منه هو الخطوة اما للامام و اما للخلف
ربنا يكتبلك الخير و يرضيك بيه
بس هقولك حاجة اخيرة و عارفة اني زودت الرغي اوي معلش
اختيار الصح دايما بيؤلم صاحبه و عادة نتيجته مش بترضيه .. قيس دا علي حاجات كتيرة هتلاقيه تقريبا دا اللي بيحصل
و بناءا علي الرغي دا كله :)
يبقي تسيبها علي الله و خلي عندك يقين ان اللي ربنا بيختارهولنا هو احسن حاجة ممكن تحصلنا في الوقت دا بالذات
الحمد لله رب العالمين و اتمني تكون بخير
زهره
-----------
إرغى براحتك
ليه معلشى؟
-------------------------------
friend4ever
كيف حالك اليوم اتمنى ان تكونى فى احسن حال
------------------------------
السلام عليكم..
اميدوس..ازيك؟ و الله فكره مش بطالة..و يكون هدفنا تجنيين مجاهد..هههه..اي رأيك احنا نخش كل مره و نقول ان المزيكا ما بتشتغلش..هههه..
ـــ
مجاهد يا صديقي...سيبك من اللي فوق..دا احنا بنهزر..(بس انا اكلمك جد يا اميدوس)...هههه..
كيفك؟ ان شاء الله تمام؟
ــ
فريند..الله يعينك في شغلك..هو الواحد يتعب في الدراسة و يتعب في الشغل..الله المستعان..لكن هو سبب للرزق و سد حاجة الفرد..ف ان شاء الله الواحد يأجر على هذا لو اخذ النية..
ــ
زهرة..اتمنى تكوني بأحسن حال..و أتمنى أن مريضك يحقق تقدم..الله يشفيه و يصبرك و يفرح قلبك..
ــ
حسام..كيفك؟ انت فاتحت صديقك بالموضوع و لا لسه؟
الكل..أتمنى تكونوا مرتاحين
اتمنى لكم كل سعادة و توفيق..
Maybe Soon
أثنين أفضل من واحد والخيط المثلوث لا ينقطع
يعني واحد راح ... كلم بداله اتنين وبعدين هيبقوا ثلاثة
وبعد كده ... هيكون مستحيل انه ينقطع
سلامي للجميع ... انا مكنتش هرد لاني قررت اني اسيب التدوين نهـــاياً
مش واخد راحتي ... لكن هسيب كلمة أخيره في مدونتي وبعدها هسلمها لفريند فور ايفر او أي حد يكون بيتابعها
سلامي للجميع
هدفكم تجنينى
ياسلام على الهدف السامى العظيم
----------------------------
طيب يا ماى بى سون
----------------
زهره
إنت فين
إيه أخبارك طمنينا عليكك
-------------------------
سلامى ل
اميدوس
حسام
فريندفور افر
أثمن
وطبعا للهدفه يجننى
ها !! ..انت سمعت الكلام ده فين ؟
دا مش أنا..ده كله من ورا راس اميدوس..
هههههه..اصلي خفت..فقلت ارميها على اميدوس و اجري...
هو الهدف خطير..و تحقيقه صعب..على فكره..
المزيكا مش شغاله..
ههههههه..
استغفر الله..انا بهزر..مش عايز تنحسب كدبه..
انت لاحظت ان الكل في ركود و هدوء من بعد العاصفة القوية اللي جات؟؟؟؟
مجاهد احترمك جدا
و احترم شجاعتك جدا انت واجهت مواجهة صعبة
و اكيد ربنا شايف مجهودك
انت شجاع
انت قوى
للاسف وقعت فى شخص مش بيفهم اوى
بس انت صح
احييك
maybe soon
رجعت ياباشا العاصفه من تانى
ههههههههههههههههه
عاوزين عواصف كده على طول
ههههههههههه
------------------
جوتولايتجو
نورت المدونه
أشكرك على كلامك الجميل الذى يحوى تقدير
أنا قوى وشجاع بالله وبطريق التعافى
الذى يحوى أجمل ناس لاقيتها فى حياتى
وليه تحط نفسك تحت رحمة حد !!
إفخر بنفسك فأنت أهل للفخر ..
أنا بأحترمك
وبحبك
:)
مالك حصل ايه؟؟
زهرة شكرا على السؤال
لا
لم يحدث شيئا
عمر بس كان بيعلق على موضوع الدواء المر
مش بتكلم علي تعليق عمر بتكلم علي انك عند اميدوس قولت ادعولي افتكرت حصل حاجة علشان قلت كلمتين و سكت
بتطمن بس:)
شكرا على سؤالك
هاهاها
كيف حالك يازهرة؟
لا كنت بس بطلب من
friend4ever
إنها تدعيلى فى الحج دعاوى مخصوصه
كل سنة وانت طيب يا اعظم مجاهد فى التاريخ
اتمنى تقضى وقت سعيد جدا فى العيد وخللى بالك من نفسك
زهره
كل عام وإنت بخير
ربنا يصلحلك حالك يارب
أمين
حسيت بمقالتك جدا...انا كنت في وضعك ده.. مع اختلاف الموقف.. متبقاش عارف تتهم اللي قدامك ده بالخيانة و لا تلوم نفسك و لا تشفق عليها و لا تكرهها و لا...!!!
انا اتعلمت اني احب نفسي و أقدرها و مستناش من حد أي حاجه. اتعلمت اني مش هلاقي حب غير مشروط ابدا غير من ربنا. أملي الأخير في ده.
أتشجع..
إرسال تعليق