قبول الذات (الطفل الداخلى)كانت من أهم الخطوات فى طريق التعافى و الحقيقة كانت من أصعب الخطوات بالنسبة لى.فأنا لا أستطيع أن أفهم هذا الطفل.تدهشنى دائما رغباته غير المشروعة فلا أستطيع أن أبدى له الأحترام أو الحب.كان يدور بيننا صراع مرير.فأنا متمسك بإنسانيتى و هو متمسك برغباته غير المشروعة عندما بدأت أسير فى طريق التعافى واجهت هذا الطفل عدة مرات حتى بدأت أن أفهمه لكن مع ذلك لم أشعر تجاهه بحب "مشكلة"إلا عندما حدث هذا الموقف "الدواء المر"
إكتشفت أنى أحبه كثيرا. كنت خائف عليه.من هذا الموقف بدأت علاقة جديدة مع طفلى الداخلى علاقة بها إحتواء و حب و قبول و تفهم و أخيرا حزم...............طبعا حزم طفلى يتسم بالمكر لاحظوا الصورة لكن مضطر أتحمله.............. طفلى
الطفل: بحبك جدا "يقولها بخجل"
"وأنا كمان بحبك جدا لكن إيه المناسبه!! أول مره أسمعها منك" قائلا أنا
إكتشفت أنى أحبه كثيرا. كنت خائف عليه.من هذا الموقف بدأت علاقة جديدة مع طفلى الداخلى علاقة بها إحتواء و حب و قبول و تفهم و أخيرا حزم...............طبعا حزم طفلى يتسم بالمكر لاحظوا الصورة لكن مضطر أتحمله.............. طفلى
الطفل: بحبك جدا "يقولها بخجل"
"وأنا كمان بحبك جدا لكن إيه المناسبه!! أول مره أسمعها منك" قائلا أنا
الطفل: دافعت عنى
"دا واجبى إنت صغيرى" قائلا أنا
الطفل: لكن أنا كنت فاكر إن إنت بتكرهنى
"ما بكرهكش إنت لكن بكره رغباتك لو مشيت ورا رغباتك هنضيع و مع ذلك بالتمسلك العذر و بحاول أتحمل سماع طلباتك الغير مشروعه لكن ياحبيبى طبعا و لا طلب غير مشروع هيتنفذ لأنى عاوز مصلحتك و مصلحتى أنا بحميك و بحمى نفسى" قائلا أنا
الطفل يفكر أعتقد لم يروق له الكلام كثيرا قاطعت تفكيره "أنا فهمت إنت محتاج إيه محتاج حب أبوى و أخوى محتاج تحس بالأمان و إنك مش لوحدك و المشكله إنك فاكر إن بالجنس المثلى تقدر تحصل على إحتياجاتك من الحب ده. مش صح ده حب كاذب مسموم وهم ضياع.إدينى فرصه أحققلك اللى إنت محتاجه من الحب(الحب فى الله) ما تستعجلش لأن تحقيق ده هياخد وقت شويه.ما تقلقش يهمنى جدا أحققلك ده إطمن.و أرجوك إلحاحك بيعطلنى عن حاجات مهمه ليه أنا لأنه بيسببلى إحباط و إكتئاب و قلق عاوز أعرف أرتب حياتى و مستقبلى عشان كمان أقدر أهتم بيك كما يجب" قائلا أنا
فى هذه اللحظة تذكرت كيف تسببت لى رغبات هذا الطفل غير المشروعة كم من الألام والمعاناة.لكن كان على أن أسامحه و أتقبله و أقدره و أحترمه فهو صغيرى و طلبت منه "مجاهد الصغير سلم عليه لازم تعاهدنى إن من اليوم نكون شىء واحد عشان نقدر نوصل لمأمن فى حياتنا" قائلا أنا
الطفل: أعاهدك
"بحبك" قائلا أنا
الطفل: و أنا أكتر
لن نصل إلى التعافى إلا عندما نقبل أنفسنا متفهميين عجزها و ضعفها و عيوبها حتى نستطيع أن نرى بوضوح ما يجب إصلاحه و يكون هذا القبول بحب الذات و بإحترامها و ليس بقهرها و سبها و كراهيتها
14 التعليقات:
الحقيقه كلامك اثر فيا جدا وانا في مدونتي كاتب عن طفلي الداخلي وبصرخ وبستنجد بيه عشان يساعدني اتمني طفلي يكون زي طفلك يكون واعي وفاهم واتمنالك الخير دايما يا رب والي الامام دائما
سلم لي على مجاهد الصغنون..
و روح فسحوه في العيد..بلاش تخليه قاعد ف البيت...
سلامي لك..
و للجميع
Maybe Soon
الله يسلمك ياماىبى سووون
هاهاها
كل عام وإنت بخير
مجاهد .. ازيك .. حبيت اسلم عليك و انشالله تكون بخير.
حلو أوي موضوع مجاهد الصغنون ده
ههههههههههه
واء واء
بجد طفلك ده محيرك معاه
يا عم وديه أي ملجأ وريح بالك
أتمنى تكون بخير يا جميل
هاااايل . بجد مبسوطالك ..مش عشان البوست..عشان اللي قولتهولي.
انا كمان مبحبش اكتب من غير ما اكون فعلا ناوية. انا منشرتش الكومنت و انت عارف ليه.
يارب يارب يارب يخلص بسرعة اللي مضايقك. معلش كله يهون...
و طمنا عليك
Maybe Soon يقول...
جميل انك تقبل ذاتك...
و جميل انك تقبل مجاهد الصغنون..انا موضوع الطفل الداخلي مش يعني يدخل مزاجي على طول..احب انظر له على انك تكلم نفسك اللي جواك..و طبعا هذا نفس الشي...
يعني عنتر اخو بلال..هههه..تعرفوها دي؟
المهم..تصدق..انا احيانا كذا يعني بضم نفسي..هههه..معليش على قد عقلي..ههه..و لا احيانا بتكسف...بس يعني..طريقه اوري نفسي اني بحبها..
بداية صداقه جميلة بينك و بينه عزيزي مجاهد..
أتمنى أن تدوم..و تثمر بالخير..و تتمتع بالخيرات التي اثمرتها هذه العلاقه مع نفسك..أو طفلك الداخل..
Amidos يقول...
ياااااة كلامك جميل يا مجاهد انا فرحان بيك انك عارف تتفق معاة :)
بجد كلامك حلو
ماي بي سون سبقني :( واااااااااااااااااء وااااااااااااء :)) هيهيهيهيههي
بس مش مشكلة تعرف انا لما ابقي عاوز اتحضن ببقي بحضن نفسي يمكن برضة لسة بحس ببرد بس بحاول اسكت نفسي شوية :)
نفسي اعرف اقبل نفسي زيكم بالشكل دة انا ساعات بقبلها و ساعات بشرحلها مش ثابت مش عارف انشاء الله خير
كويس اوي يا ماي بي انك عن طريق انك تجييب لنفسك هدايا و تحضن نفسك بتعرف نفسك انك بتحبها مع ان دة مش بيجييب معايا نتيجة خالص
يا رب نخف كلنا امين و رجع فريندز لينا بالسلامة :)
سلاموووووووووووز
أثمن من اللآلئ يقول...
مجاهد
=====
حوارك رااااااااااائع جداً جداً
بجد قبول مافيش بعد كده
شكلك حلو قوي قوي قوي وانت صغير ... بس يانهار ابيض لو الطفل ده شافني وانا مضايقة
لا لا لا لا متفقناش علي كده .. انا عايز لما اشوف الطفل الضغير ده يكون بيضحك مش بالمنظر ده ..هههههه
===================================
أميدوس
=========
أحضن نفسك ... يااااا مين اللي قالك علي الحاجة ديه؟؟؟
أنا ولا مين
ديه حاجة نفسية بحته يا واد
ماشي يا سيدي .. شكلك بتلعب من ورانا
هو بالظبط كده (علشان تحضن طلفك الداخلي لازم تحس بنفسك لازم تشعر بجسمك كلة) ولما تحضن نفسك هتعرف توصل لطفلك الداخلي اللي انت عايزه
===================================
مايبي سون
=========
أرسم رسمة واكتب قصة وخاليها اهداء لطفلك الداخلي
لا لا لا لا لا لا لا لا لا لا دا أحنا كده بقى هتعمل دكتوراه في علم النفس
ده كمان حل نفسي بطريقة بحته
أنتوا دارسين علم نفس من ورايا ولا إيه؟؟؟؟؟
طيب أنا وأخصائي اجتماعي ههههههه انتوا بقى !!!!
أنا بدأت أقلق خهههههههههههههههههههه
بجد .. أنا ببقي مبسوط ان الحلول بتتولد جوانا بالفطرة من غير دراسة او اي حاجة ... ده إن دل فبيدل علي اننا عارفين نلمس نفسنا كويس قوي
وحاسيين ببعض كويس قوي قوي
بحبكم كلكم
still unknown but trust يقول...
صديقي المجاهد العظيم
برافو برافو
انا عجبني اوي حوارك مع طفلك ، و تصدقني لو قلتلك ان و انا بقرا كلامك كان الطفلة اللي جوايا هي اللي بترد ...شغل عيال بقى هههههه
بس بجد ، يعني و هو بيقول بحبك ، و انت بتساله عن المناسبة لقيت انا طفلتي بترد ..دافعت عني.
عارف....و احنا صغيرين يمكن ما كناش بنلاقي كتير اللي يقف جنبنا و ياخد لنا حقنا ، في الحاجات الصغيرة اليومية ، تلاقي مثلا الاب يقول للمدرس و لا للجار ده انا هقطعهولك ، هربيه من ول و جديد ، و ممكن في احيان كتير يبقى و لا حاجة هتحصل و لا هيقلك كلمة واحدة بس هو كان بيرضي الشخص ده و بيخلص الموضوع على حسابك ، و مش بعيد اصلا تلاقيه مستعيل الرجل اللي زعلان من طفل صغير بس هو كده ما يعرفش ان فيه طفل صغير ما حدش اخد له حقه ، او طفل اتهم بحاجة صح او غلط بس ماحدش دافع عنه .مافيش طفل بجد بيعمل حاجة غلط الا و يكون قصده من وراها حاجة مش بشعة ...يعني يا بيلعب يا بيساعد من غير ما يفهم يا بيتدلع يا....حاجات كتير .
بس انت باللي عملته ده اخدت له حقه ، مسكت ايده الصغيرة و ضغط عليها بقوة و حنان ما تخافش انا جنبك ، انا عارف انت تقصد ايه و انا هرد لك لاني واثق فيك ، صحيح هنتكلم بعدين بيني و بينك و نتفاهم مع بعض بس قدام الناس انا في صفك .
حاول بجد تسعى في العلاقة دي ، و تنميها ، و تحاول تحسسه بالامان و الحماية ، لان فعلا طالما اكتر حاجة لفتت نظر طفلك للموضوع هو الامان اللي حس بيه ساعتها يبقى فعلا دي اكتر حاجة انت المفروض تقدمهاله .
ربنا معاك ، و مه مجاهد الصغنون
و قل له ان هنا ليه اقارب كتير ممكن يلجا لهم لو انت زعلته او قسيت عليه ، ييجي يشتكي لنا بس و احناناخد له حقه منك ....اللي يقرا الجملة دي اكيد هيقول اني ضاربة ، بس ما علينا.
اميدوووس...احلى حاجة بجد ان الواحد يحضن نفسه ، حتى لو ماوصلتش لمنتهى الدفء بس بيبقى حلو برضو
و سامحوني على اللي هقوله بس انا لاحظت و ده منقول من مدونة د.اوسم عن العادة السرية ، ان العادة هي نوع من انواع حضن النفس بس بنترجمه غلط .
صديقي ماي بي سون
انا برضو الاول ما كنتش بالعة اوي الموضوع ده ، كنت حاسة ان الواحد بيستهبل و بيكلم نفسه و يرد باي كلام
بس لما جربتها طلعت جد
بص...انا عن نفسي اعتقد ان النفس الداخلية غير الطفل الداخلي
الطفل ده ، هو نفسه الطفل بتاع زمان
انت و انت صغير، كل حاحة كانت بتالمك و اتجرحت منها فضلت متخزنة جواك في صورة الطفل الصغير ده ، انت كبرت بجسمك و عقلك ، نضجت و نظرتك للموضوع اختلفت ، بس انت بتاع زمان اللي في حاجات اذتك و لسه ماثرة عليك انت الكبير دلوقتي هو ده الطفل الداخلي.
تقدر تقو انه مخزن للمشاعر دي ، بس انت اتغلبت و كبرت ، بس هو لسه صغير بيعيط ، لسه خايف و قلقان .
و في علم النفس بيتم تقسيم الشخصية على انها :
- الطفل : مجموعة المشاعر و الاحاسيس
- الوالد : مصدر الاوامر ، الواعظ ، اللي عارف الصح و الغلط و بيعد يقولك ده اه و ده لا
الراشد او البالغ : و هو العقلاني ، اللي بيفكر بهدوء و حكمة ، و غالبا ما بيعرف يصاحب الوالد و الطفل مع بعض، هو حلقة الوصل اللي بينهم .
بيتفهم مشاعر الطفل و يحاول يتعامل معاها بحكمة الاب بس بطريقة تانية ما تعصبش الطفل .
و بيقا برضو ان احنا كلنا في حياتنا بنجمع بين ال3 شخصيات دول .
يعني و نت خايف من الامتحان او المقابلة مثلا ، ده كده الطفل هو اللي بيتكلم ، تلاقي واحد صاحبك يقولك ليه خايف انت مذاكر او انت فعلا كفء للموضوع ده ساعتها هو بيتكلم بصيغة البالغ او واحد تاني ممكن يقولك انت ولد شاطر انت كويس و هتنجح ساعتها هو بيكلمك بصيغة الوالد .
لعلمك دي لعبة ، و لما الواحد بيفهمها بيعرف يتعامل صح مع اللي حواليه .
يعني بيغرف اللي قدامه ده دلوقتي بيتكلم بلسان مين ، و هو المفروض يتكلم بلسان مين .
كده بقى الجنان بعينه .
بس عشان سي لؤلؤ ما يتكلمش تااااني في علم النفس ;)
كفاية عليكو كده بقى
و بجد برافو عليك يا مجاهد
غير معرف يقول...
رسالة الى مجاهد النونو:
انا ايضا احبك,وانا ايضا احترمك كما يفعل مجاهد الكبير ولكنى ايضا اتمنى كما يتمنى هو ان تقوده الى طريق الشفاء
انا ايضا اعتذر ويعتذر معى كل من ضايقك ونعترف اننا جرحناك احيانا بما فينا مجاهد الكبير ولكن لا تنسي انك ايضا جرحته ولكنى متاكده انك سامحته وتحبه
بطل شقاوة واسمع الكلام
رسالة الى الشاب اللطيف مجاهد:
قبولك للنونو الشقى ده علامة كبيرة على نضجك بشجعك وبقولك ان احننا كمان قبلين شقاوته
لكنه طفل سامحه وقبل(بتشديد الباء) يده الصغيرة حتى وان صفعتك بالقلم على وجهك
قريبا ما سيقبل هو هذا الوجه عندما يتاكد من حبك غير المحدود له وعندها ستنقى دوافعه ورغباته
الرب معك
سلامى لكل واحد وكل واحده
كلامك جميل قوى ياان نوون
ربنا معاكى
ابقوا قلولى بس مكان العيادة عشان اعملها دعاية
امال ايه احنا بنهزر
سلام
نور لجميع الامم
كنت مثلية و الآن مشفية يقول...
مجاهد: بجد مبسوطة اوى اوى اوى بالحوار ده انا فاكرة كويس من كام شهر كتبت لى على البلوج بتاعى و قلتلى انك مش عارف تتكلم مع طفلك لسه. انا مبسوطة بجد انك وصلتله و ابتدى يبقى فيه حوار بينكم. الى مزيد من الحوار و الحب و القبول. ربنا يكمل كل حاجة حلوة ابتدت فيك و فيه و فيينا كلنا.
Hope يقول...
مجاهد...
سعيدة ليك جدا..و احلي حاجه و انت بتقوله ( بطمنك ... لكن متعطلنيش...)
ميرسي لسؤالك عني...
أذا كنت بتحب الأسم ده فعلا متنساش دايما يكون عندك رجاء.
منتظرة أخبارك الحلوة اللي بتقول عنها .
أنشالله دايما يارب
إرسال تعليق