يحكى أن
سهم أصاب قلب طفل صغير.لقد كان سهم الشوق و الأحتياج و الجفاء و القسوة-ليظل عالق بقلبى لأتألم و ها أنا شاب رشيد-لأصرخ صرخة مكتومة لايسمعها أحد لتحتضر السعادة من قلبى.وا أسفاه لقد كان السهم من حبيب عزيز فيالها من جراح لا تشفى نواحها كثير و صمتها قليل.
قلبا مجروحا
*تستيقظ ألام الجراح
من بعد نوم عميق
*ليصرخ قلبى من جديد
فجراحه لا تطيب
*لأن المداوى بعيد
قلبى من حب المداوى فى إحتياج شديد
*و من جفاه و بعده سقيم
الفرح زائر عزيز
*و الحزن دائما مقيم
و الصبر محراب قلبى
*ليدعو فيه الله الكريم
بزوال الهم عن قريب
أحبك ياأبى بالرغم من سهمك العالق فى قلبى أحبك حبا جما
21 التعليقات:
كل قلب جريح من نوع خاص..
غريبة تلك الجروح.. كأن صاحب السهم المزروع في قلوبنا لا يرانا ندمي..
و يستغرب لو قلنا له اننا نتألم..
فهو لا يعرف..او نسى..انه زرع ذلك السهم...
لكن على هذا الطريق..نحن نتعلم كيف ننزعه بأقل ما يمكننا من ألم...صح
===
الله يعينك يا اخي..
بجد مشتاااااااااااااااااااااااق
لك و للكل...
اتمنى الظروف تساعد اني اقدر ادخل اونلاين متى ما اردت...
اعتني بنفسك..و قبل هذا طمنا عليك
تحياتي
Maybe Soon
صح
maybe soon
وحشنى جدا
وحمد لله على سلامتك لوصولك لوطنك العزيز
أتمنى أن تقضى أيام سعيده
:)
ياأخى
مع السلامه
إن شاء الله يرجع بالسلامة ..
إنت بطل :)
نور لجميع الامم يقول...
لسه كنت هبعت التعليق ده عندك ف مدونتك واتحذف غصب عنى...اسفة
كتبتهولك هنا
ما رايك؟
لماذا لا يتوجه ذاك السهم الذى اخترق قلب الصغير الى كبد السماء؟
لماذا لا تسقط عليه بالامطار الاتيه منها والتى تاخرت كثيرا عن الميعاد؟
لماذا لا يكون السهم طائرا بقوة لانه خرج من قلب طفل دامى كثير الانحناء؟ فبقدر ما احناه هذا السهم بقدر ما سيصل للسماء سريعا
مجاهد الغالى
انها قوة الغفران
انك تغفر لابيك وتحبه رغم ما فعل...انها قوة احييك عليها
فلتعطه فرصة ثانية كما يعطينا الله دائما
الله معك ايها المحارب العظيم
تحياتى
Hope يقول...
صباح الفل
بشاركك في كل حرف من اللي كتبته...ليا نفس القضية. ساعات بحس اني في صحرا و البير اللي أتقفل في وشي ده و اللي كان اول و اهم بير ..قفل في وشي كل الأبيار التانية...
مجاهد...سهمي هيطلع السما زي ما نور وصفت بالظبط...و هيحنن قلب ابويا اللي في السما عليا.
نور...
بحييكي علي تعليقك .. و اتمني تشاركيني بتعليقاتك في مدونتي ..
أتشجع يا مجاهد ...أمن بحب الله و متبصش للبشر لاننا مش كاملين.
Amidos يقول...
ياة يا مجاهد انا اسف اني مختفي كتير كان نفسي اكون اول واحد يعلق بس انت عارف ظروفي مشغول جدا
و كمان نور و هوب سبقوا يعني الجمال كلة :) هههههههه
انا رأيي من رأي نور حاول تغفرلة يمكن هو جرحك بس دة احسن من اللي انا فية و انا قلتلك انا اساسا بقرف اقف جنبة او اتكلم معاة(سوري للكلام دة بس دية الحقيقة و انت عارف يا مجاهد)
ربنا معاك هبقي اطمن عليك اول ما افضي شوية :)
انشاء الله في مرة من المرات هيعرف قد اية هو غلطان و هيحبك زي ما انت نفسك فسة :) انا متفائلك
اخوك اللي بيتشقلب بعد الظهر هههههه
amidos:)
كنت مثلية و الآن مشفية يقول...
ياااه يا مجاهد، انا مش قادرة اتكلم كل شوية ادخل و اقرأ البوست و اقف عاجزة عن التعبير. شايفة الولد الصغير الجميل و شايفة الراشد. الله لما الاتنين يكملوا بعض.
ربنا يقدر يعوض عن كل ما افتقدناه فى طفولتنا يقدر هو يكون ابونا و وولينا و يقدر كمان يبعتلنا الف أب.
friend4ever يقول...
السلام عليكم
آسفة النهاردة مقولتش جمعة مباركة
بس كنت مشغولة مع ضيفة من مصر
ومش عارفة اقولك ايه يا مجاهد
سيأتى اليوم الذى ستجد بداخلك قوة تجعلك تغفر وتسامح
القوة ستأتى ان شاء الله
قوة داخلية ستجعلك فى مكان الذى يعطى الحب دون ان تنتظره من الاخرين
مع مرور العمر يكبر الوالدين ويصبحون هم الاضعف وهم المحتاجين للحب حتى وان لم يعطوه
لانهم ببساطة شغلتهم الدنيا فلم يتوقعوا يوما ينتظرون فيه كلمة طيبة من اولادهم او ان تعبيرهم عن الحب كان خاطئا فكانت القسوة بديلا عن الكلمة الحانية والايذاء البدنى بديلا عن الطبطبة والتفاهم والتشجيع
ستصبح فى موقف عليك ان تختار
ان تعفو وما زاد الله عبدا بعفو الا عزا أو ان تمضى فى طريقك وكأن الامر لا يعنيك
ولكن أنا واثقة
انك ستختار الاختيار الاول حينما تقدر عليه
أعتقد انك حينما تصل الى نهاية طريقك الذى بدأته وتصل الى مرحلة الشفاء الداخلى ستكون مستعدا ان تغفر وتسامح
أعانك الله على طريقك وثبتك ورزقك القدرة على العفو والمغفرة
ورزق الجميع
اكتبوا ليعرف الاباء ماذا تفعل القسوة بالابناء
اكتبوا لعل كلامك ينقذ طفلا صغيرا
ولعله ينير الطريق امام الاخرين
-------------------------
أميدوس
ولدى كيف هى احوالك؟؟
وكيف مشاريعك؟؟
يارب تكون بخير
عايزة اقولك انى انا فخورة بيك جدااا
ليه؟؟
لاسباب كثيرة جدااا
فى يوم من الايام هقولك ليه
-----------------------
ماى بى سون
كيف الاحوال؟؟
----------------
نور
مشقيه
عمر
حسام
ياسمين
هوب
يارب تكونوا بخير
------------------
أثمن
هى الخلوة خليتك تنسانا ولا ايه؟؟
منتظرين بوست جامد
نابع من ذهن صافٍ حلق فى ملكوت الله الواسع
------------------
زهرة
انا قلقانه عليكى جداااااااااااااااا
اظهرى وقولى اى حاجة
تحياتى
Amidos يقول...
اة نسييت اقولك تعرف الفيلم اللي انا قلتلك علية في التعليق علي البوست بتاعي اللي هوا
AI
الفيلم دة قصتة عبارة ان عيلة كان عندها ولد عيان فابوا الواد جاب لامة طفل روبوت يقدر يحب حب اموي و ابوي بشكل حقيقي بيحس بالخوف و كدة
و في يوم ابنهم الحقيقي خف و رجع البيت فبدأ يغير من الروبوت و ابوا الواد برضة كدة فابوا الواد طلبمن الست انها تودية للشركة علشان تدمر الروبوت بس الست مقدرتش فسربتة في الشارع و قعد الروبوت يعتذر انة مش ولد حقيقي زي ابنهم مارتن بس الست سبتة و هربت فحط الروبوت لنفسة هدف انة يلاقي الجنية اللي حولت بونوكيو لطفل حقيقي و فضل مسافر و اتبهدل و كدة لغايت ما وصل لمدينة مانهاتن بس كانت غرقانة تحت الماء لان في المستقبل المدن القريبة من الساحل كلها غرقت نتيجة زوبان الجليد عند القضبين و لما عرف ان مفيش حل لمشكلتة انة يبقي ولد حقيقي قرر ينتحر فنط في المية فشاف تحت بواقي مدينة ملاهي فيها قسم اسمة بونوكيو و كان معاه روبوت بيساعدة فالروبوت اللي بيساعدة ظبطلة السفينة انها تغوص بية تحت ففضل ماشي بيها لغاية ما لقي تمثال للجنية هو كان فاكرها حقيقية ففضل قاعد قدمها كل يوم يدعي انة يبقي ولد حقيقي علشان يرجع لمامتة اللي بيحبها جدا و فضل كدة و مرت 2000 سنة و مات كل البشر اللي علي الارض و جت كائنات فضائية الكوكب و لقت الروبوت تحت التلج متجد لان الكوكب كلة كان اتجمد فطلعو و قعدوا يشوفوا ذاكرتة لقوا انة عمرة ما حصل علي ساعادة فعملوا لية مكان زي بيتة و عملوا جنية شبة اللتمثال و قالتلة انها هتحقلوا اي طلب فطلب منها انة يبقي ولد حقيقي علشان مامتة تحبة فقالتل ان دة مينفعش كمان مامتة ماتت و كل البشر ماتوا بس قالتلوا انها ممكن ترجعلوا مامتة من الموت لو عند اي خصلة او عضم اي حاجة فيها الدي ان اية بتاعها و كان معاة خصلة بس الفضائيين حاولوا انهم يرجعوها هيا و ذاكرتها بس دة طلع مستحيل جدا لانة اول ما يرجع اي انسان بذاكرتة يعيش يوم واحد و يموت و لا يمكن اعادة انعاشة تاني فقالوا للروبوت فوافق انة يحصل علي يوم واحد من السعادة و كان احسن يوم في حياتة و خلص الفيلم :)
البطل بتاعوا برضوا الواد انا عجبنب اوي انة مهما حصلوا كان بيحب مامتة جدا و عاوز يرجعلها تاني :)
محصلوش زيي انة معتش طايقهم اسبشيلي بابا
اسف علي كلامي دة بس دية الحقيقة
----------
زهرة مختفية :-؟؟؟ الوضع مش لذيذ :-؟؟؟ طيب لو قلتلك نكتة تطلعي
مرة واحد شرب قهوة الكراسي وقفت في ظوره :) ههههههه يلا اظهري و طمينينا :)
---------
فريندز :) فخورة بيا دة شرف جبار :)
---------
كارثة النت في مصر يعاد اصلاحة بعد الانقطاع الجبار نتيجة ان الفيبر انقطع من احد السفن فطبعا الناس دخولها هيكون اقل
---------
ماي بي سون و الباقييين كيفكم انا ورايا شغل فهختفي :) سلاموووووز
----------
اخوكم الصغنون و اللي بيحبكم
amidos
ألم يقول...
مش مختفية ولا حاجة بس بقيت اسم وفعل و الظروف مش اد كده الايام دي
ربنا يعديها علي خير
همنع ايدي تكتب اي تعليق علي كلام مجاهد لان كلامي هيضايقني قبل ما يضايق حد تاني و كمان درجة سواده عالية حبتين تلاتة علشان كلها اسئلة استحالة حد يلاقيلها اجابة
بس كل اللي اقدر اقوله
الاب اللي عنده ابن مش هيحس بيه الا لما يروح منه ويرجع يقول ياريتني كنت عملت و سويت
والابن اللي ابوه يروح منه هيقول يا ريته يرجع و جزمته علي راسي
و احنا ما بين دا ودا ملناش الا رحمة ربنا بينا
قل لن يصيبنا الا ما كتب الله لنا
وحسبنا الله ونعم الوكيل
still unknown but trust يقول...
اخي العزيز مجاهد
"وا أسفاه لقد كان السهم من حبيب عزيز فيالها من جراح لا تشفى نواحها كثير وصمتها قليل."
صدقت يا اخي .
بصراحة انا مش عارفة اقولك ايه ، لاني انا كمان بعاني من نفس الموضوع ، بس كل اللي اقدر اقوله لك ، انا فعلا حاسة بيك .
و حاول فعلا تتمسك بوعد ربنا ليك ان زوال الهم عن قريب ان شاء الله .
و فعلا حاول تطلب من ربنا انك تتعلم تغفر لوالدك ، حاول و اتمنى انك تنجح فيما فشلت انا فيه .
الغالية " نور"
كلامك جميل جدا ، و يلمس القلوب الجريحة ، بس انتي مش شايفة انه صعب حبتين .
انك تسامحي الي قتلك و اللي غير مسار حياتك ، و المشكلة ان اشخص ده بيكون قدام عينيكي _ و ان كان توفاه الله لا قدر الله _ بيكون برضو قدام عينيكي.
انا لمستني اوي الجملة " فبقدر ما احناه هذا السهم بقدر ما سيصل للسماء سريعا"
و بصراحة ان حاسة ان ال2 هيوصلوا للسماء سريعا
السهم الملوث بالدماء سيقف بين يدي القدير صارخا من الالم طالبا الرحمة لذلك المخلوق الضعيف الذي قتل بسببه .
شاهدا ايضا لدماء مسفوكة و قلب اعتصرته الهموم اكثر ممن الجروح
كما ان الطفل صاحب القلب الدامي سيصل بجروحه الى السماء طالبا التعزية و المساعدة ، طالبا الابوة الحقيقية ، شاكيا المه لصاحب الحنان الذي سيعوضه عن كل الم مر به .
ساعات بحس ان احنا من السهل ان احنا مش نلوم ربنا _ حاشا _ على اللي حصل ، و بنفهم بسرعة حكمته و ارادته لكن انسان ياذينا ...بتكون صعبة اوي.
خصوصا ان اذي الانسان مش بيكون بحكمة ، هو غالبا بجهل او بعدم معرفة ، ماينفعش نلومه على حاجة هو مش عارف انها تؤدى الى الدمار بهذه الصورة لكن برضو ما نقدرش نقول ..لا خلاص حصل خير ، بضمير مستريح
انا عن نفسي بطلب من ربنا مش بس انه يعلمني اسامح ، ده انه يخليني احس ان الشخص ده يستاهل اني اسامحه و لا لا .
النهاردة و انا بصلي لقيتني بشكر ربنا عالموضوع ده ..لقيتني بقوله " اشكرك لانك بحرمانك ليا من الابوة الارضية القابلة للزوال ، علمتني بهذا الالم ان اطب ابوتك يا الله التي هي فوق كل محبة بشرية و ابوة انسان ، انت من خلقتني فدعني اتلذذ بابوتك. فانت احن ، و تاديبك لين و مع التاديب تقدم المساعدة و المعونة
ربنا يقويك في جهادك اخي العزيز "
still unknown but trust يقول...
عزيزتي هوب
" البير اللي أتقفل في وشي ده و اللي كان اول و اهم بير ..قفل في وشي كل الأبيار التانية..."
بالظبط كده
انتي كده لخصتي مشكلتي بالظبط
اول و اهم بير
ربنا يقوينا و ما نعممش نظرتنا دي على الاخرين و يساعدنا ان نستقي من بقية الابار .
انا كمان نفسي اصوب هذا السهم الي السماء .
still unknown but trust يقول...
اخي العزيز ميدوووو
ازيك
واحشني كتييير
اتمنى تكون بتذاكر كويس، و شغال حلو في مشروعك و بتتشقلب;)
انا فاهماك في انك " قرفان منه "
انا فعلا ساعات كتييير بحس بكده ناحيته.
ربنا يقوينا و يعلمنا ازاي نعدي الموضوع ده
طمني عليك
عزيزيتي " كنت مثلية و الان مشفية "
مش عارفة اقولك حاجة غير ...امين
still unknown but trust يقول...
عزيزتي فريند فور ايفير
لعلمك انا لفت انتباهي تعليقك من البداية و كنت عايزة ارد عليه اول حاجة ، بس حبيت نتكلم براحتنا
اولا ما تزعليش مني لو لقيتي كلامي جامد شوية ، انا بحترمك جدا و انا متابعة كتاباتك و تعليقاتك من زمان ، بس ده رد من واحدة عايشة الموضوع و لها نظرة مختلفة شوية .
في كل الاحوال انا بحترمك و مقدرة سعة افقك .
انتي فعلا فتحتي نقطة حساسة اوي ، على الاقل عندي
في جملتك " مع مرور العمر يكبر الوالدين ويصبحون هم الاضعف وهم المحتاجين للحب حتى وان لم يعطوه"
اه ..فعلا صحيح ،و لا تتخيلي اد ايه اموضوع ده مؤلم و صعب على الاولاد .
مش بس صعب على الاولاد المحبين لاهلهم ، لا ده اصعب على الاولاد اللي عندهم مشكلة كده زينا ، انتي بتشوفي المثل القوي تعبان و منهار قدامك
القوي بيحتاج مساعدتك ، مع انك زمان لما كنتي بتحتاجيه نفسيا او جسديا ما كنتيش بتلاقيه
بالعكس انتي كنتي بتلاقيه و هو في منتهى القوة عليكي.
قوته دي كانت دايما بتهدك مش بتبنيكي ، لما تيجي القوة دي تتهد بفعل الزمن ، و يبدا يحتاج لك ، كل الاصابع تشير اليكي و تقول لك يالا ساعديه ، خليكي ابنة بارة ، بس ثواني ...انا ممكن اساعده كانسان ضعيف محتاجلي ، بس مش هساعده حبا مني ليه .
احنا اكيد مش قصدنا هنا الاهالي اللي كانوا جامدين شوية او شوية ضرب و شوية طبطبة ، لا ممكن الاب ما يكونش لمس ابنه و لا مرة باذي ، بس نظراته و كلامه و تعنيفه و قسوته و تجاهله كانوا كافيين و كفيلين يكسروا حاجة جواه ، كافيين يكرهوا البنت في كل الرجالة ، زي ما قالت "هوب " بيكون اول بير في حياتك لو البير ده اداكي ميه ملوثة هتعيشي طول عمرك جواكي الاذى ده و خايفة من اي بير تاني . و برضو كافيين انهم يعذبوا الابن و يفقدوه هويته الذكرية ، يفقدوه الرمز ، يفقدوه فكرة ..انا عايز ابقى زي ده . لا هو مش عايز يبقى زي ده و ممكن لما يكبر ما يبقاش عارف ازاي يبقى ده ، ازاي يبقى رجل .
يعني لا البنت عارفة تبقى بنت لان اول رجل في حياتها _ بابا _ لم يؤكد على انوثتها و لا الولد عارف يبقى ولد لان برضو _ بابا _ لم يؤكد على ذكورته .
اطلبي بقى من البنت دي و لا الولد ده انهم يساعدوا بابا بحب و حنان و هو تعبان ، تيجي منين بقى ؟
زي ما قلت لك ممكن الواحد لو طيب و قلبه لسه فيه خير هيقف جنبه كمجرد شخص ضعيف جار عليه الزمن ، بس مش هيبقى دايما قادر يشيله من على الارض شيل كده زي ما بيعمل اي واحد مع اي من الوالدين اللي اكرموه .
هتقولي لي ان ربنا وصانا بكده ، هقولك على عيني و على راسي ، اللي قادر ينفذ فهو شخص ممتاز و ربنا مساعده ، بس الاغلبية هتلاقيهم واقعين تحت اللي بقولك عليه ، انا كاره قوتك اللي كسرتني ، و مطلوب مني اساعدك في ضعفك ، بحبك و خايف منك مع اني انا الاقوي دلوقتي .
انا مش بقول الابناء الماذيين ليهم الحق في انهم ياذوا والديهم و لا انهم ما يهتموش بيهم ، بس انا بتكلم عن المشاعر.
احساس بشع انك لما تقابلي واحد تبقى مش عارفة انتي حاسة بايه بالظبط ، انتي ببساطة حاسة بكل حاجة مع بعض ، انتي بتكرهيه و خايفة منه و صعبان عليكي و مستخسرة فيه و ...كله مع بعض.
الموضوع متشابك بجد
ادعي لكل واحد جواه جرح ان ربنا يساعده و يشفي الجرح ده .
still unknown but trust يقول...
عزيزتي الم
ربنا معاكي
و يتحول الالم الي فرح و انتصار على كل الم .
غير معرف يقول...
الحمد الله الجهاز مظبوط دلوقتى و النت بقه تمام بس انا اللى حاليا مش لاقى كلام يعنى الامور متشقلبة شوية جواية يلا من نفسها هى كمان. على العموم
أميدوس ــ فيلم AI من أفلامى المفضلة حقيقى فيلم جميل من الافلام التى مع بعدها بحس انها قريبة قوى بخبرة المشاعر اللى فى الفيلم يعنى يمكن الواحد بيسمع الفيلم اكتر من انه بيتفرج عليه بيسمعه زاى ما بيسمع قصة سندريلا أو قصة سنوايت
ألم ـــ زاى ما انت قولت و إحنا فعلا مالناش إلا رحمة ربنا الشمس التى لا تغرب يعنى اذا كانت شمسنا تغرب او بتخبيها الغيوم فرحمة الله دائما مشرقة إذكرى ربنا بقلبك و أسأليه أنا يكشف عنك الغيوم و يثمر قلبك بالسعادة
و ربنا قدير ففوضى امرك اليه و إستعينى به و يارب يارب يكشف عنك كل كرب امين
تحياتى لكم جميعا و أجمعين
طى الكتمان
هو الاسم تقيل انا حاسس كده
بس هو الأنسب لى فى الفترة دى
يعنى حتى إحساس أخر
طى الكتمان )<
ألم يقول...
حاولت اسكت ومعرفتش
فهسال سؤال واحد علي الماشي كده
الكلام بتاع البنات اللي اتقال سواء هوب ولا نور ولا ان نون بجد هنلاقيه في ناس كتيرة اوي كبار و صغيرين و المشكلة انها اجيال ورا اجيال بتورثها و مع التطورات اللي بتحيط بينا الوراثة دي بتتعدل و بيتلعب فيها بالتأثيرات المحيطة .. من غير تفاصيل اكيد هتفهموا اقصد ايه
السؤال خطر علي بالي وانا جاية الصبح
بس اعتقد هيبقي النقاش فيه صعب شوية
(( هل خلق الله الاب و الام علشان يذلوا ولادهم و يتكرموا عليهم بانهم خلفوهم وربوهم و كتر خيرهم انهم صرفوا و علموا و يبقي كل فعل ولا حركة ولا لمحة منهم تكرم منهم علي اولادهم؟؟ ))
كنت هسال ليه ربنا خلق اب وام
بس رجعت و قولت الاجابة هتبقي كاننا بندور في حلقة مفرغة
التقليدي بيقول - ام = حنية و عطاء
اب = حزم اهتمام تربية و الجديد بيقول عليه مستودع الفلوس وما شابه
فريند ليها حق في اللي بتقوله و ناس كتيرة بتتعامل مع اهلها من المنطلق دا بتقوله هعمل دا بس علشانك مش علشان ابويا او مش علشان امي .. بس ليه وصولوهم لكده؟؟؟؟؟؟؟؟؟؟
معلش سؤال جانبي تاني ((ليه الاساءة لما بنفتكرها بتنسينا اي حاجة كويسة الشخص دا عملها فينا )) مش شرط اب و ام و مش معناها انعدام صفة التسامح بس ساعات في اساءات بتكون صغيرة اوي بس بتمحي قدامها حسنات تملأ المحيط
حد فاهم مني حاجة ؟
ان نون ليها حق في ردها علي فريند بردة .. مطبقة المثل اللي بيقول اللي ايده في المية مش زي اللي ايده في النار
ولو اني اقدر اقولها بردة ان اللي ايده في النار ساعات بيحاول يتخيلها ميه او بيكون متعشم ان النار هتخمد و تبقي رماد قريب فبيفضل صابر
اعرف واحدة كانت هي وامها علي طول في خلافات و كده مع ابوها و ابوها كان عنيف معاها جدا بس كانت بتحب دماغه .. الاتنين ماتوا و سابوها .. بكت علي الاتنين بس عندها ابوها بالرغم من عنفه معاها انما واضح كده انه قدر يكسب لنفسه مساحة جواها كفيلة بانها تنسيها اي ذكري سيئة .. اما امها فبيتهيالي صعوبة الفراق هي اللي احزنتها .. والله اعلم بس دا اللي شفته من عشرتي ليها
بس صدق اللي قال
من زرع حصد
واللي بيعملوه الآباء في ولادهم من اول لحظة بيجنوا ثماره طول العمر الا من رحم ربي .. وحطوا 10000000 خط تحت الا من رحم ربي دي
دوشتكم معلش
Maybe Soon يقول...
السلام عليكم..
كيفكم...حاسيين ان خط الكاتبه صاير احلى؟؟؟
اصل بكتب من بيتنا..من بلدي :)
هههه
====
معليش مش هقدر ارد ع الموضوع ككل..
لكن التسامح قد ما هو ضروري..قد ما يكون صعب احيانا..
trust
عايز اعلق على نقطه كبر الوالدين
انا ابوي و امي كبار ف السن قرابة 50 سنه فرق بيني و بين بابا
الله يطول بعمره و يعطيه الصحه و العافيه هو و ماما..قولوا امييييييين
المهم..
برغم التقصير اللي كان و انا صغير الا اني عارف انه مش مقصود..و كان صادر عن جهل..
ف يمكن هذا شئ مساعدني اني اقدم المساعدة و الخدمة و ارضى و اكون سعيد اني اكون خادم اوقف تحت رجليهم و اقول حاضر امتى ما نادوني
لكن زي ماقلتي..
اللي ايده ف الماي مش زي اللي ايده ف النار
سلامي للكل فرد فرد..
و الغايبي الله يطمنا عليهم
maybe Soon
أثمن من اللآلئ يقول...
إزيكوا يا شباب بجد واحشني قوي ... انا كنت فاكركم كلكم واحد واحد في الخلوة .. كانت جميلة بجد
*****
مجاهد ...
أخــي العزيز كما أرسلت رسالة من قبل لعُمــر
لدي رسالة لك من والدك يا مجاهد
صدقني هذا هو ما يدور في ذهنة الأن
ابني العزيز
عندما يحل اليوم الذي ستراني فيه عجوزاً
أرجو أن تتحلى بالصبر وتحاول فهمي
إذا إتسخت ثيابي أثناء تناولي الطعام
إذا لم أستطع أن أرتدي ملابسي بمفردي
تذكر الساعات التي قضيتُها لأعلمك تلك الأشياء
إذا تحدثت إليك.. وكررت نفس الكلمات ونفس الحديث آلاف المرات
لا تضجر مني.. ولا تقاطعني
وأنصت إليّ
عندما كنتَ صغيراً يا بني, قرأتُ لك نفس القصة والحدوتة
إلى أن تنام
*******
عندما لا أريد أن أستحم
لا تعايرني ولا تتسلط عليّ
تذكر عندما كنتُ أطاردك وأعطيك الآف الأعذار.. لأدعوك للإستحمام
عندما تراني لا أستطيع أن أجاري وأتعلم التكنولوجيا الحديثة
فقط..
أعطني الوقت الكافي
ولا تنظر إليّ بابتسامة ماكرة وساخرة
تذكر أنني الذي علمتك كيف تفعل أشياء كثيرة
كيف تأكل.. كيف ترتدي ملابسك
كيف تستحم.. كيف تواجه الحياة
*******
عندما أفقد ذاكرتي أو أتخبّط في حديثي
أعطني الوقت الكافي لأتذكر
وإذا لم أستطع
لا تفقد أعصابك
حتي ولو كان حديثي غير مهم
فيجب أن تنصت إليّ
إذا لم أرغب بالطعام
لا ترغمني عليه
عندما أجوع سوف آكله
*******
عندما لا أستطيع السير بسبب قدمي المريضة
أعطني يدك
بنفس الحب و الطريقة التي فعلتَها معك
لتخطوا خطوتك الأولى
عندما يحين اليوم الذي أقول لك فيه
إنني مشتاق للقاء الله
فلا تحزن ولا تبكي
حاول أن تتفهم
أن عمري الآن قد قارب على الإنتهاء
*******
في يوم من الأيام
سوف تكتشف أنه بالرغم من أخطائي
فإنني كنت دائماً أريد أفضل الأشياء لك
وقد حاولت أن أمهّد لك جميع الطرق
ساعدني على السير
ساعدني على تجاوز طريقي بالحب والصبر
مثلما فعلتُ معك دائماً
ساعدني يابنيّ على الوصول إلى النهاية بسلام
أتمنى ألاّ تشعر بالحزن
ولا حتى بالعجز حين تدنوا ساعتي
فيجب أن تكون بجانبي وبقربي
وتحاول أن تحتويني
مثلما فعلتُ معك عندما بدأتَ الحياة
أحبك يا بنيّ العزيز
- والدك -
مجاهد أخي ... لا تغلق أذنك امام هذه الحقيقة ... لا ألتمس لوالدك الأعذار لكنه في الحقيقة يحبك ... فأنت أينه الذي أنتظرك 9 أشهر حتي تخرج من بطنك أمك ويوم خرجت عمل لك حفل كبير وكانت فرحتة غامرة ... تذكر هذه الكلمات أتمني أن تستيع الوصول لأعماقك.
أثمن من اللآلئ يقول...
إزيكوا يا شباب بجد واحشني قوي ... انا كنت فاكركم كلكم واحد واحد في الخلوة .. كانت جميلة بجد
*****
مجاهد ...
أخــي العزيز كما أرسلت رسالة من قبل لعُمــر
لدي رسالة لك من والدك يا مجاهد
صدقني هذا هو ما يدور في ذهنة الأن
ابني العزيز
عندما يحل اليوم الذي ستراني فيه عجوزاً
أرجو أن تتحلى بالصبر وتحاول فهمي
إذا إتسخت ثيابي أثناء تناولي الطعام
إذا لم أستطع أن أرتدي ملابسي بمفردي
تذكر الساعات التي قضيتُها لأعلمك تلك الأشياء
إذا تحدثت إليك.. وكررت نفس الكلمات ونفس الحديث آلاف المرات
لا تضجر مني.. ولا تقاطعني
وأنصت إليّ
عندما كنتَ صغيراً يا بني, قرأتُ لك نفس القصة والحدوتة
إلى أن تنام
*******
عندما لا أريد أن أستحم
لا تعايرني ولا تتسلط عليّ
تذكر عندما كنتُ أطاردك وأعطيك الآف الأعذار.. لأدعوك للإستحمام
عندما تراني لا أستطيع أن أجاري وأتعلم التكنولوجيا الحديثة
فقط..
أعطني الوقت الكافي
ولا تنظر إليّ بابتسامة ماكرة وساخرة
تذكر أنني الذي علمتك كيف تفعل أشياء كثيرة
كيف تأكل.. كيف ترتدي ملابسك
كيف تستحم.. كيف تواجه الحياة
*******
عندما أفقد ذاكرتي أو أتخبّط في حديثي
أعطني الوقت الكافي لأتذكر
وإذا لم أستطع
لا تفقد أعصابك
حتي ولو كان حديثي غير مهم
فيجب أن تنصت إليّ
إذا لم أرغب بالطعام
لا ترغمني عليه
عندما أجوع سوف آكله
*******
عندما لا أستطيع السير بسبب قدمي المريضة
أعطني يدك
بنفس الحب و الطريقة التي فعلتَها معك
لتخطوا خطوتك الأولى
عندما يحين اليوم الذي أقول لك فيه
إنني مشتاق للقاء الله
فلا تحزن ولا تبكي
حاول أن تتفهم
أن عمري الآن قد قارب على الإنتهاء
*******
في يوم من الأيام
سوف تكتشف أنه بالرغم من أخطائي
فإنني كنت دائماً أريد أفضل الأشياء لك
وقد حاولت أن أمهّد لك جميع الطرق
ساعدني على السير
ساعدني على تجاوز طريقي بالحب والصبر
مثلما فعلتُ معك دائماً
ساعدني يابنيّ على الوصول إلى النهاية بسلام
أتمنى ألاّ تشعر بالحزن
ولا حتى بالعجز حين تدنوا ساعتي
فيجب أن تكون بجانبي وبقربي
وتحاول أن تحتويني
مثلما فعلتُ معك عندما بدأتَ الحياة
أحبك يا بنيّ العزيز
- والدك -
مجاهد أخي ... لا تغلق أذنك امام هذه الحقيقة ... لا ألتمس لوالدك الأعذار لكنه في الحقيقة يحبك ... فأنت أينه الذي أنتظرك 9 أشهر حتي تخرج من بطنك أمك ويوم خرجت عمل لك حفل كبير وكانت فرحتة غامرة ... تذكر هذه الكلمات أتمني أن تستيع الوصول لأعماقك.
إرسال تعليق