شكرا لله العظيم الرحيم.إنها معيتك ياالله
فى يوم واحد!أحقق خطوة جديدة فى طريق التعافى بمصارحة صديق(غيرى) أخر لى و يتقبلنى كما أنا.و ليس ذلك فقط بل يتصل بى عبر الهاتف صديقى الذى قمت بإخباره أولا عن ما أعانى منه(الجنسية المثلية) ليقدم إعتذارا ضمنيا و يبدى تقبله لى مرة أخرى راجعوا الدواء المر "الجزء الأول"
لنرجع سويا أيام قليلة إلى الوراء قبل عيد الأضحى المبارك بأيام قليلة.
أستيقظ من النوم.............
أشعر بضيق شديد كنت متذكر موقف الدواء المر "الجزء الأول"...............
إشتقت أن أقرأه مرة أخرى...............
فأفعل فيزداد حزنى و ضيقى....
لأخاطب نفسى "تسعة أعوام من الصداقة لم تشفع لى فهل ستة عشر عاما من الصداقة قد تشفع لى؟.هل لو أخبرت صديقى الذى صادقته منذ نعومة أظافرنا بما أعانى فسيتقبلنى قبولا غير مشروطا؟"
الحقيقة كنت أريد أن أعرف إجابة عن سؤالى و برغبة ملحة فالفكرة تسيطر على جوارحى تماما
لأسمع صوتا يهمس فى أذنى
"لا يا مجاهد ألا تخف من أن يتكرر موقف الدواء المر "الجزء الأول""
"بالطبع أشعر بخوف شديد لكن أريد إجابة على تساؤلى" قائلا أنا
لم أسمع لصوت العقل فكنت أسير وراء جوارحى.ذهبت مسرعا إلى هاتف المنزل-و كأنى أخشى من الرجوع عن قرارى-لأتصل بصديقى فأقول له بعد التحية يوجد موضوع هام أريد أن أخبرك به.فدعانى صديقى لزيارته بالمنزل.
إرتديت أفضل الثياب!
كنت أريد أن يرانى و أنا فى أفضل و أحسن حال و كأنى أريد أن أمنح من مظهرى الثقة و القوة.فأنا لن أطلب المساعدة منه بقبوله لى بل سأخيره بين إذا كان يريد أن يكمل صداقته بى بعد أن يعرف حقيقتى أو لا يريد.
ذهبت إلى منزل صديقى..........
لم يبدى صديقى تقبله غير المشروط لى بالكلام بل بالفعل
فى يوم واحد!أحقق خطوة جديدة فى طريق التعافى بمصارحة صديق(غيرى) أخر لى و يتقبلنى كما أنا.و ليس ذلك فقط بل يتصل بى عبر الهاتف صديقى الذى قمت بإخباره أولا عن ما أعانى منه(الجنسية المثلية) ليقدم إعتذارا ضمنيا و يبدى تقبله لى مرة أخرى راجعوا الدواء المر "الجزء الأول"
لنرجع سويا أيام قليلة إلى الوراء قبل عيد الأضحى المبارك بأيام قليلة.
أستيقظ من النوم.............
أشعر بضيق شديد كنت متذكر موقف الدواء المر "الجزء الأول"...............
إشتقت أن أقرأه مرة أخرى...............
فأفعل فيزداد حزنى و ضيقى....
لأخاطب نفسى "تسعة أعوام من الصداقة لم تشفع لى فهل ستة عشر عاما من الصداقة قد تشفع لى؟.هل لو أخبرت صديقى الذى صادقته منذ نعومة أظافرنا بما أعانى فسيتقبلنى قبولا غير مشروطا؟"
الحقيقة كنت أريد أن أعرف إجابة عن سؤالى و برغبة ملحة فالفكرة تسيطر على جوارحى تماما
لأسمع صوتا يهمس فى أذنى
"لا يا مجاهد ألا تخف من أن يتكرر موقف الدواء المر "الجزء الأول""
"بالطبع أشعر بخوف شديد لكن أريد إجابة على تساؤلى" قائلا أنا
لم أسمع لصوت العقل فكنت أسير وراء جوارحى.ذهبت مسرعا إلى هاتف المنزل-و كأنى أخشى من الرجوع عن قرارى-لأتصل بصديقى فأقول له بعد التحية يوجد موضوع هام أريد أن أخبرك به.فدعانى صديقى لزيارته بالمنزل.
إرتديت أفضل الثياب!
كنت أريد أن يرانى و أنا فى أفضل و أحسن حال و كأنى أريد أن أمنح من مظهرى الثقة و القوة.فأنا لن أطلب المساعدة منه بقبوله لى بل سأخيره بين إذا كان يريد أن يكمل صداقته بى بعد أن يعرف حقيقتى أو لا يريد.
ذهبت إلى منزل صديقى..........رحب بى...فتبادلنا التحيات و السؤال عن الحال لنحمد الله أخيرا
كان صديقى مضجع أمامى على الأريكة و هو يسألنى
"فى إيه"
طلبت منه- قبل أن أفضى إليه بما فى قلبى- أن يحضر المصحف"القرأن الكريم"
و لقد فعل
"إحلف إن إنت هتحافظ على سرى مهما كان رد فعلك بعد ماتعرفه" قائلا أنا
رفض صديقى أن يقوم بالحلفان ليقول لى
"لو مش واثق فيه يبقى ما تقوليش حاجه"
"غلبتنى" قائلا أنا
ثوانى من الصمت................ لأقطعه بقول
"أنا باروح لدكتور أمراض نفسيه علشان بعانى من الشذوذ الجنسى" قائلا أنا
قلتها بكل قوة أملكها
تظهر علامات الدهشة على وجه صديقى الأسمر الذى صبغ باللون الأحمر.يحاول أن يحافظ على هدوءه و على عدم إظهار مشاعره فهذه عادته فى مواجهته للمواقف.ليتحدث معى بهدوء محاولا فهم ما وقع على أذنه.فينهال علي بالأسئلة فأحاول أن أشبع فضوله قدر المستطاع .فلم أكن مرتب الأفكار كنت مشتت و متوترا فأصبحت إيجاباتى على أسئلته غير واضحة لا تشرح عن معاناتى من المثلية كما يجب.
"إنت ممكن تكون موهوم" صديقى قائلا
أومأت برأسى بلا لأشرح له المزيد عن معاناتى من المثلية. بعد ما أنهيت شرحى له طلب صديقى منى أن أسمعه حتى ينهى ما يريد أن يقوله لى دون أن أقاطعه.و لقد فعلت ما طلب.كان فى حديثه ما وقع تأثيره علي بالأيجاب و ما وقع تأثيره علي بالسلب.الغريب أنى لا أتذكر تفاصيل كثيرة مما قاله لى لكن أتذكر ما و صلنا إليه فى نهاية الأمر.................
خشى صديقى من التأثير السلبى لحديثه فقال لى
"فى النهايه إنت أدرى بنفسك و أعلم بحالك منى"
ما أعجبنى فى هذا الصديق أنه إعترف لى بعجزه بإفتاءه لى عن موضوع معناتى من الجنسية المثلية.
لم يبدى صديقى تقبله غير المشروط لى بالكلام بل بالفعلعندما فرقتنا الطرق هم بوداعى لنتبادل القبلات و الأحضان كعادتنا فى مرات سابقة و الحقيقة أنه إحتضننى هذة المرة بشكل أكثر حبا و حنانا لأذهب إلى بيتى و أنا شاعر ببرودة القلق والخوف.
لأحدث نفسى"هل أنا أحلم ؟فأنا أظهرت له وجهى الحقيقى و مع ذلك تقبلنى بكل سهولة و يسر فلم يبالى بموضوع معاناتى من المثلية وكأنه لم يعلم شيئا فأرى أنه لم يغير معاملته لى كل شىء سار طبيعى جدا جدا"
هرعت إلى سريرى لأخلد إلى النوم سريعا هربا من ما أشعر به.
وبعد ساعات قليلة من النوم...........
أستيقظ على صوت احبه حبا جما يقول لى
"فلان إتصل بيك"
لا أصدق لقد سررت بما سمعت
إنه صديقى الذى أخبرته بمعاناتى من الجنسية المثلية أولا!!!
وأخيرا هذان الصديقان أبدى لى تقبلهم غير المشروط لتتوطد صداقتى بهما أكثر من ذى قبل......
32 التعليقات:
ان الله مع الصابرين اذا صبروا:)
سعيدة لسعادتك
ربنا يعافيك ويرزقك بما يرضيه ويرضيك
أمين يارب
شكرا لزيارتك
وربنا يزيح عنك الهم والغم
أمين
عزيزي "مجاهد"
صدقت حين أسميت نفسك المجاهد. وها أنت تجاهد في الطريق السليم. أرجو أن تخبرنا عن تأثير هذا على مشاعرك فيما بعد وعلى مسيرة جهادك وتعافيك.
عزيزى دكتور أوسم
سعيد جدا لتشجيعك لى بزيارتك لمدونتى
حاضر يادكتور :)
تحياتى لك
مجاهد
كيف حالك
جمعة مباركة
انا كمان زى زهرة سعيدة لسعادتك وارجو ان يكون هذا تدعيما لصداقتكم ولطريق تعافيك الذى بدأته
أحيك واصدقائك
ربنا معاك
تحياتى
أهلا بك
friend4ever
وجمعه مباركه عليكى
وانا مبسوط لزيارتك
وربنا يجازيكى كل خير
مجاهد انا مقدر اللى انت عملته جدا
و لحظات اعترافك دى كانك بنط من منط عالى 50 دور
و مستنى تحتيك مياه هتشيلك
و لا حمام السباحة فاضى؟؟؟؟ فيتكسر عضمك؟؟؟
احترمك كثيرا
انت مجاهد حقيقى
و تجنى ثمار جهادك
مجاهد انا بحيي فيك شجاعتك في قدرتك على مواجهة هذا الموقف العصيب وفعلا مش كل حاجه بتتحسب بالعقل لازم المشاعر والاحاسيس يبقى ليهم دور..ربنا معاك ياصديقي
شوفت يا عم
فاكر أنا قولت لك إيه عن الأولاني
إتنين مرة واحدة ياااا مفتري
إبسط يا سيدي
:)
عزيزي مجاهد ..
سعيدة جدا بهذا الكلام.
لكن أين المزيد ؟؟
اين المقالات التي طالما تشجعنا بها !!
في انتظار جديد..
برافو مجاهد
انت شجاع وأقوي من ناس كتير
انت راجل بجـد من غير لف ودوران
بس انت فيك تركيبة تحدي وعزم حلوه دوور عليه
اعرف وصدق الحقيقي في نفسك من غير مبالغة او تهوين
تحياتي للرجوله
والجرائه
بس بقولك ايه داه بئه من أثر البوست القديم بتاعي بئه
شوفت ياعم احنا جامدين اززاي
فينك غطسان فين
هل من المذيد
friend4ever يقول...
السلام عليكم
انا كنت سعيدة جداا يا مجاهد بالبوست لكن اول لما شفت تعليقك السعادة راحت وزعلت لانك زعلان
معلش انا كنت النهاردة مركزة مع اميدوس ومقدرتش اتكلم معاك
لكن انا بقلك الحياة كلها ابيض واسود يوم حلو ويوم مر
مش هسألك فيه ايه لكن هقولك انت عارف احنا موجودين فى اى وقت نشاركك اليوم الصعب ومش هقول مر لحسن الكلمة وقعها عليا وحش قوى
ربنا معاك يا بطل:)
سلامى للجميع
معلش بقى مستعجلة
تحياتى
نور لجميع الامم يقول...
اغمضت عينيي عندما قرات كلماتك واتجه قلبى فى لحظات الى القدير وشكرته من اعماقى على ما اسعدك.
من وقت ما قلت انك عندك اخبار حلوة وانا اصلى ان تكون اخبارك دائما مفرحة
مبسوطة جدا يا بطل ومش عارفة اقولك ايه
ربنا يخليلك اصحابك اللى من تسع سنين واللى من ال16 هههه
واضح انك بتحب العلاقات القوية والدائمة مع من تحبهم وواضح ان ربنا كمان مبارك العلاقات دى
ربنا يفرحك دايما
وبعدين انت ياولد
مش لما تبقى مضايق تقول؟
يعنى ايه عشان مايتقلبش الشات تراجيدى ؟هه؟
فينا من الكلام ده
متعملش كده تانى
قولنا عشان حتى لو مخففناش عنك نصلى عشانك
ربنا معاك
تحياتى لك يا بطل
سلامى للجميع
نور لجميع الامم يقول...
اسفه ان التعليق اتبعت مرتين
يابطل
يارييت متفضلش مضايق كتير ويارب اللى مضايقك ينتهى بسلام
ومعلش يعنى لو تسمح ابقى خليلنا البلوج"تراجيدى"
بهزر طبعا
كلنا معاك
Amidos يقول...
مجاهد مقلتلييش انك مضايق لية لما كلمتك
يمكن انا شغال في المشروع بس يولغ يغني مجتش من شوية وقت اتكلم معاك فيهم احاول اخفف عنك
انا مضايقلك جدا يا مجاهد يا رب تكون كويس
سلام علشان رايح الكلية
Hope يقول...
انا بقا مش مضايقة و لا حاجه ..انا مبسوطة من البوست و هفضل مبسوطة بيه ...لانه انجاز كبير جداااااااا.
كل ما هفتكرك هفتكر البوست ده. ربنا أمين معانا.
وقت ما تقدر تشاركنا باللي مضايقك ..احنا موجودين.
ألم يقول...
السلام عليكم ورحمة الله وبركاته
اقولك حاجة حسيتها امبارح وانا بقرأ البوست عندك
بصراحة كنت بغبطك علي علاقتك بيهم بس دعيت ربنا يديم بينكم المعروف ويقويكم ببعض
ومتخافش دا مش حسد :) دا بس فرحة علي فرح الفرحان :)
مالك باه
فيك ايه دا اللي اهم من اللي حصل؟
كمل جميلك باه و كمل الحكاية لاخرها .. ايه اللي حصل بعدها خلاك تكتب البوست اللي قبل دا و ومخليك متضايق لحد دلوقتي
اقولك حاجة بحسها حقيقية اوي
الفرحة ممكن ناس كتيرة تشاركك فيها و حتي لو مفرحوش من قلبهم كفاية انك انت فرحان
انما الحزن قليل ما بتلاقي حد يطبطب عليك ويسمعك دا ان لقيت
علشان كده عن نفسي واعتقد الباقي هيوافقوا انك الاولي بيك تتكلم عن اللي مش قادر تقوله عن اللي ممكن تقوله عادي لاي حد
اقدر افهم لما تكون عايز تتكلم ومش قادر بس علي الاقل قول انك كده
انمالو قادر تتكلم تعالي فضفض باللي مضايقك .. اكيد ساعتها هتشوفها بشكل مختلف
وبعدين يا اخي ايد علي ايد تساعد :) و عقل و عقل يفكروا احسن :)
ربنا يفرج كروبنا جميعا ويصلح احوالنا
غير معرف يقول...
السلام عليكم و رحمة الله و بركاته
أولا ازيكم كلكم يارب تكون كل احوالكم بخير تمام
مجاهد
----
أنا سعيد و فرحان لك و بالتأكيد إنت كذلك سعيد و فرحان بالخطوة دى الصداقة شىء جميل و بتكون أجمل لما تكون فيها القبول و المساندة و ليس الرفض و الترك فى مواقف زاى كده
مكنش ينفع ماكتبش تعليق على البوست لانى مشغول فى شغل الكلية
أقولك فيه قناة إسمها أون شعارها
خليك فى النور
و انا باقول لك خليك فى النور و إستمتع بالنور
و أحبك الله الذى أحببتنا لأجله
و معلش بقه أصل انا حاليا زاى ما جدو قال مذنوق مذنوق
سلامى للجميع
-------
طى الكتمان
---------
Maybe Soon يقول...
السلام عليكم
كيف حال الجميع..كلكم..
اتمنى تكونوا طيبين و مرتاحين...
===
مجاهد..اعتذر اني ما قدرت اهديك كفاية و كان لازم اني اطلع اوف لاين..و كمان سوري ان غيابي ف البوست ده طال..
الله معاك يا اخي...
و اللي حصل لك ده اختبار..اختبار على القدرة و التحمل..
انت اليوم شفت أمه...بكره تشوفه..
ف يا ترى..هل ستنهار و تكتئب و تضعف؟
و لا هتقاوم و تحاول تستغل الموقف لصالحك و تمد نفسك بقوة من مصدر ما؟
عموما النفسية السيئة او الاكتئاب مش بيد الواحد انه يمنعه او يوقفه...
لكن الواحد لازم ينتبه لنفسه..و يسمح لنفسه انه يحزن و يكتئب لفترة محدده بس و بعدين لازم يقول خلاص..انا هبدا من جديد و اتطور و اكمل مشيي في الطريق..
الله معاك و معانا..
الله يسهل الدرب و يقصره..و نتجتازه بسهل و يسر و ستر و سعاده
اللهم آمين
تحياتي للكل...
أخوكم
Maybe Soon
Go2LIghtGO يقول...
مجاهد انا مقدر اللى انت عملته جدا
و لحظات اعترافك دى كانك بنط من منط عالى 50 دور
و مستنى تحتيك مياه هتشيلك
و لا حمام السباحة فاضى؟؟؟؟ فيتكسر عضمك؟؟؟
احترمك كثيرا
انت مجاهد حقيقى
و تجنى ثمار جهادك
أثمن من اللآلئ يقول...
مجاهد - مش عارف يمجاهد بجد انا متلخبط مش عارف اعلق علي التعليقات ولا معلقش ... عايز أكتب عايز أتكلم ... ومشعارف ؟؟ حاسس اني مسجون مكبوس كلام كتير ومطلوب مني اني أفضيه في مكان معين ؟؟؟ وأنا مش عارف مدى مقدرتي علي تواجدي في المكان ده قد أيه؟؟
ومش عارف موقفي ايه من المشاركة في المدونات؟؟ هل بكده هكون كويس ولا وحش؟؟؟
خايف اكتب بوستات وحد يفتكرني بنادي بشعارات وخلاص ... وأخاف ان حد يعتبرني دعاية سيئة للتعافي
أفكار كتير بس علشان اكون صريح انا مش مخلي الافكار ديه تسيطر عليا وتغير من نظام حياتي. بس انا حاسس اني مفتقد للكتابة بصورة رهيبة
نفسي اكتب ... نفسي اعبر .. بس مش عايز اكون بعارض رأي حد حتي الأن لم أقابلة!...
المهم حبة قلش زي حبات اميدوس
هو انا كل لما انزل بوست .. حد يجري ورايا وينزل بوست تاني ولا ايه .. انتوا متفقين عليا بقى.؟؟ مرة أنت ومرة هوب:-(
ممممممممم أعمل ايه بس؟؟؟
عموما أحسن برضة علشان محدش ياخد باله
هههههههههههه
يالا باي دلوقتي .. انا حاولت اشوف حكاية التشات روم ... بس مش عارف .. انا فيه نقاشات كتير مش مكتوبة ومش نازلة .. اتقد انه بيتمسح اوتوماتيك بعد فتره يا مجاهد .. غير كده ده كويس وصحي
انا حطيت الروم علشان كان احيانا بشوف تشات في التعليقات .. وكانت التعليقات بتكتر قوي .. فقلت ده هيكون أفضل .. وكمان الصحي اكثر ان التشات مفتوح للكل يعني هيكون صحي ومفيد .. فاهم قصدي .. لو فيه حاجة خاصة جداً ممكن يبقي فيه أيميل مع اني متأكد ان الأصح ان العلاقة تكون مفتوحة هنا في الشات روم .
لو حد عندة اعتراض انا هتقبله طبعاً
تحياتي
يوسف
غير معرف يقول...
السلام عليكم
وحشنى بجد وحشنى
إزيك يا مجاهد يارب تكون بخير
أثمن ربنا يروق بالك
الأسئلة اللى إنت بتسألها بجد مهمة
و قبل ما نكون بنكتب علشان محتاجين
نتكلم أو محتاجين نكتب إحنا ليه بنكتب و تأثير ده علينا و على غيرنا إيه
الحقيقة موضوع محتاج تفكير ووقت بس أنا كنت داخل أسلم عليكم لإنى رايح الكلية
يمكن لما أرجع بقه و أهو كمان أكون فكرت فى الموضوع
لا طبعا انا مش عاوز أنسى حد
صباح الخير على كل المجموعة و يارب تكونوا كلكم فى سعادة و راحة بال يارب لى و لكم
و متنسونيش فى الدعاء
سلامى للجميع
------
طى الكتمان
--------
Amidos يقول...
يارب كلكم تكونوا كويسيين
اسف لاني مبقدرش اخش الا مرة في اليوم و ساعات مبقدرش اخش الا مرة في اليومين بس انا المشاريع كتير و ببقي مع ناس شغال معاهم فمبعرفش اخش علي النت لاني قبل كدة كنت بعمل كدة و كنت هفضح فبطلت امانا.
بس سوري
اثمن انا مش عارف اقولك اية بس زي ما قال مجاهد حاول تتواجد في المجموعة هتعوضك نسبيا عن الكتابة
نفسي اكون فاضي علشان ابقي معاكم شوية و في نفس الوقت مش فاضي اوي علشان لما بفضي اوي بموت من الفراغ و باكتئب
بقالي فترة مكتبتش نكت و قلش نحط شوية :)
لية بنحط لبن علي الشاي ؟؟؟؟
.
.
.
.
.
علشان "التفل" يرضع :) هههههههههه
مرة اتنين مساطيل قاعدين قدام المراية فقال واحد للتاني مش واجب نقوم نسلم علي الاتنين الجايين فجة يقوم فقالوا صاحبة خلييك هما جايين يسلموا اهو :) هههههه
مرة واحد بيصلي بسرعة السجادة اتقلبت بية :) هههههههه
كفاية كدة :) ههههههههه
يلا سلام يا رب تكونوا كويسييين :)
still unknown but trust يقول...
اخويا المجاهد العظيم
انا مبسوطة ليك جدا جدا
انا مبسوطة عشان انت كده في النور زي ما " طي الكتمان " ما قال ، و هتقدر تتكلم في الموضوع ده مع اعز اصحابك ، و ده هيريح كتييير .
انا كمان مبسوطة من التاثير الايجابي للموضوع ده عليك ، احساسك بالامان و ان انت ظهرت لاصحابك و املك ما خابش فيهم و انهم فعلا زي ما مجاهد كان شايفهم من9 و 16 سنة ، اشخاص جديديرن بالثقة و تحمل المسئولية .
استمتع باصحابك و علاقتكم الجديدة اللي مابقتش صداقة و بس ، بقت صداقة و قبول و ابوة و مساندة ، انت تستحق كده يا بطل .
و بعدين يا سيدي انت مش قادر تكتب ...شاور ;)
لمح لنا كده من بعيد ، و احنا هنفهم و نوقعك في الكلام ، ما تقلقش.
بالنسبة لموضوع مقابلتك لوالدة الشخص ده ، بصراحة انا مع " ماي بي سون " ، انت لما شفت والدته اتالمت اوي كده ، امال لما تشوفه هو هتعمل ايه ؟؟؟
انا فعلا حاسة بيك ، حاسة بالخوف و الذعر اللي بيجوا من الموضوع ده ، مش بس انك تشوفه ده انت لو شفت ملابس تشبه الملابس اللي بيرتديها و لا واحد شبهه من الخلف الواحد خلاص ، بيتعب اوي ، و ان ما كانش خوف فبيكون غضب .
انا بس عايزة اسالك سؤال ، هو انت ماقابلتوش بقالك اد ايه ؟
و حاسس ان مجاهد الصغير هيكون حاسس بايه لو شافه ؟ هيخاف منه و لا هيعوز يطلع غضبه فيه ؟ و ايه هي خبرة مجاهد عنه ، كان بيخاف منه زمان ، و لا كان بيحبه ؟
طبعا انت لو مش عايز ترد على اي سؤال من دول ، براحتك خالص اكيد مش هتضايق بس على الاقل جاوبه بينه و بين نفسك ، عشان انا شايفة ان من الحاجات المهمة في التعافي انك تقبل الوحش اللي في حياتك ، انت قلتلنا قبل كده ان الوحش ده كان " مجاهد الصغير " و بقوتك و مساعدة الله و الطبيب قدرت تتقبله ، لكن بقية الوحوش ، اعتقد ان احنا لازم نغير نظرتنابتاعة زمان ليهم.
اسفة على الاطالة .
السلام عليكم
انا حبيت اسال عليك و ان شاء الله تكون اخبارك كويسة باذن الله
فاكر اللينك اللي كنت اديتهولك لقراءة شعبة عن عاصم؟؟ لسورة" مريم "
عايزاك تسمعها وركز في القراءة دي و قولي هتطلع بأيه او حسيت ايه من اللي سمعته .. اه اعتبره واجب عليك ولما تسمعها هقولك ليه طلبت دا منك ..
ربنا معاك
ولو الواجب تقيل بردة قولي .. ياريت
:)
حاضر علم وينفذ
يا..........زهرة
على فكرة إنت عودتينى على إسم ألم رغم عنى....
ربنا يصلحلك الحال ويعملك الصالح
ومين مننا ملوش نصيب من اسمه
سيبها لله :) هو المستعان
مش هغلبك هقولك ليه السورة دي بالقراءة دي بالذات
هي بالنسبة لي عموما ليها ذكري عزيزة وبحسها مختلفة اوي بصوت مشاري
المهم السورة دي سورة ابتلاءات وبشارات لو ركزت فيها بالمعني دا هتفرح اوي لما تشوف الابتلاء موجود وربنا بيكشف الضر عن كل مبتلي فيها وتسمعها كانك عايش معاه
مش عارفة هتحسها كده ولا ايه بس حبيت تسمعها وتديك هي امل ان لازم هيبقي في شروق للامل :) وكشف للابتلاء
استبشر خير علشان من وسط الالم والحزن فيه رحمة و جبر خاطر من الله
ربنا معاك
ايه يا استاذ مجاهد شلتنا من قائمه المدونات الالكترونيه ليه.لما اشوفك طيب
ياحبيبى محمود
أنا مدونتى كانت تحت الصيانه
زى ما فهمتك
فهعيد كل شىء لمكانه بس الصبر وبلاش
صيغة الوعيد والتهديد دية
:)
إرسال تعليق